1Pe 4 | KjiSC | STEP | Vununa Kraes neke vavahagala ka ia tini, o toraina va gigima ghau haro ghu molamo taghomu, taghe manei ta ghuana ka ira nganganamu, o toraina va tanai vavahagala haro ghu molamo. O oho’oho ghu mala vavahagala taghe Kraes ta ghuana, vununa neto oho’oho la hei noni mala vavahagala vananina Kraes, manei neto nai hihingona ta nodona ka ia rivai sasake ka ia ghaghahena ta fani sasake manei.

1 Peter 4

Da Banabana Ka Ia Au Vavahagala Ghita

1 Vununa Kraes neke vavahagala ka ia tini, o toraina va gigima ghau haro ghu molamo taghomu, taghe manei ta ghuana ka ira nganganamu, o toraina va tanai vavahagala haro ghu molamo. O oho’oho ghu mala vavahagala taghe Kraes ta ghuana, vununa neto oho’oho la hei noni mala vavahagala vananina Kraes, manei neto nai hihingona ta nodona ka ia rivai sasake ka ia ghaghahena ta fani sasake manei. 2 Ghatunaina e vai vona ghu mu, ghau o toraina au ka ia kamotona dolimu ta leghui ghau God ka malau iahi peka, leghuina ia lao nanafa ka taghonai, nga eka ghua ghu ira lao hihingo ta muko ka noni. 3 Sepao mu ghau noke pepesana ghidi ira nomu fafata, riva ghidira ira riva ta kabai riva ghidi ira noni bongihehe. Sepao ia doli ka ghau noke au ka ia doli ta muko, kikirase, ketuhu gogosu, mahai varighara mala ketuhu gogosu nia zave lao meha nia va totoana ghidi ira nguzunguzu, ira ta ghua. 4 Ghe ghatunaina mu ira noni taka va hohoghona ghu, di ungene va muko ghau, vununa di puina nodi fere ta deo nia goke la holara taremehadi ghu ka ira leghutau ta muko ta riva ghidi maneri. 5 Maneri ghatu edi la turi kaveri ira puhidi ka ia mane varifate ta va tanai fateri ira leghu noni ta doli nga nia ta leme nga, e ghua. 6 Keha nonira dike va hohoghonai ia Nonomoho Ta Veha ghinina Zisas ghe dike leme nga. Ia Nonomoho Ta Veha mu neke tuturi beana ghini ka ira noni ghe dike lemena, mala ira tarungadi edi au taghe ia au ka God edi ghua ghu, geta leme ghu ira tinidi vununa ka sasake.

7 Malau iahi peka mu, to namo meha ka ia va nonoghana. Ianimu la ghe, go toraina ngangana va veveha nga, nia banabana ghini ghau taghomughi go ghua haro nga, o mala age boka tarai va veha ghu. 8 Ta tongovona fuludu laonani mu, o toraina vari namahai ghemu tudu ma ka ira hihingomu kamoto, vununa namaha mu e toufu kaputuri tehi sasakeni. 9 O vari hio namahai ka giliodi ira nomu suga taremehana va manemane ka ia lao hihingo, deona go ngunungunu ghu. 10 God neto sopai vanamu kaikadolo ka ira tehi nona kaikadolo, vununa ka ia nona varisute ta vanada kakato. O va rivari ghu ka ia veha ira kaikadolo ka ghau mala vari tokaina. 11 Heiri ira ta kururi ia kaikadolo mala tuturi beana mu, geala taghe kaike noni ta tuturi beana ghidi ira ngengenena God ta hohoghodi edi ghua. Heiri ira ta kururi ia kaikodolona toka mu, geala maneri edi toka ghidi ira noni ka ia gigima ta vanadi God. Ka ghaghahena iahi, ira vahina leghutau ta riva ghidi nga ghau, God e age hio ghidi varanga ka Zisas Kraes. Ira varanga nia gigima e ghua mu, nona Kraes ia ta au toghunai. Amen.

12 Ghau taremehaguro, oka nomu fere ghu vununa ia vavahagala taghe ia ngizalana totoi ia ta ghua mu, to dufu ka vari hoataimu ghau. Oka nganai la ghu, haghelina iahi mu eka fata ghu ka ira noni ta va hohoghona ka Zisas ta ghuana. Vavahagala ianimu ghu mu e mala va sisiva ghini ghau ma. 13 Ghau o va ghazaghaza ka ia va vavahagala ghau ira noni, taghe neke vavahagalao la Kraes sepao. Nia ka ia ke la leghu mehana Kraes ka ia nona varanga, ghau o age puina va ghazaghaza laoni. 14 Dito ungene va mukoigho la maneri ka ia leghui agho Kraes, agho mu noto beana gheu. Iahi e va podoli ia Tarunga Ta Maduana ka God ta varanga ne au taremehau agho. 15 Kaike noni ka ghau neto atungi la ia keha noni, ba sisiko la, ba va mukoi la ia vetula, ba hirihoghona la ka ira nodi puhi ira keha noni, ianimu ira noni haeba edi boka va vavahagali mo. Noni ta ghuana ka ghau geala oka riva ghini la ghu. 16 Nga eka hahaghavana ghu mu dito va vavahagala ghau la ira noni, vununa ghau no leghui Kraes. Helahela ghini God, vununa agho mu kaike noni no leghui Kraes dito kahe ghua ghinigho la ira noni. 17 Ia fafata mala varifate neto dufu, e toraina kusu tataniga ghu ka ira nona rekaha taghonai God. Neto tatanigai la ka ghita ira nona noni God ia varifate, o ngana laoi taghe heve e age ghua toraina mamaghuanana ka heiri ira ta deo gedi va hohoghonai ghu ia Nonomoho Ta Veha ka God. 18 Nia ira Kakangava sepa ta Maduana di kaheina,
“?Neto mamarutana la ka ira noni ta lotoro hioina ia doli soduai,
heve mu ta age dufuna ka ia noni ta huhughi God ta va mukoi ma ta au ghu ia vetula ka manei.?” ^{▼▼4:18 Tatangana 11:31}

19 Noto vavahagala la ghau leghuina ia lao hihingo ka God, o riva leghui tudu ia ta veha, nia nai lao ghau taghomu ka God neke va vuha ghauno, e ghua, vununa manei e deo ge boka va deo ghau ghu.