Luke 3

Ia Riva Ka Zone Ia Ta Rivai Sesele Beana

Matiu 3:1-12; Maki 1:2-8; Zone 1:19-31

1Ka ia va tazoi gahana komuhu tetu ginitauna Taebiriasi, ia mane ginitaukelana Romu, Paelati mu neke gavanana aianihi Zudia; Herodi Anitipasi mu neke kopu ghinina ia Babarana Galili; Filipi ia tahina mane Herodi tuna, ge kopu ghidi ghu ira palu kobosodi Ituria ghe Tarakonaetisi e ghua; Lisaniasi mu neke kopuna ka ia Babarana Abilini. 2Anasi ghe Kaefasi tuna, gedi ke palu hiama paudi ghu, dike ghua. Ka fafata ianimu, ia nonomoho ka God, neke meha ka Zone ia tuunamane Zakaraea, ka ia fafata la auna peghuruo, ka ia malau koroghana ta karango. 3Ianimu tuna ghe neke ghahe leleghu malau nga Zone, ka ira palu pelona Ketuhu Zodani, neke tuturi beana vanadi ghu ira noni, geala ta mala seselebeanana maneri, mala va podolina dito taghuru kairi mamu ira sasakedi, to fihiki lao ghu ka God, mala kai hazarira manei ira sasakedi, ta ghuana. 4Aesaea ia porofeti neke kakangava ghini Zone ka ira tehi komuhu tato fuludu lao, kahe ghuana iahi,
“Manei mu ia leo ta kudo ka ia malau koroghana ta karango:
‘!Va tanai ia hangana mala mehana ia Lod!
!Riva vanani ia hangana ta lotoro!
5!Va fouduri leghu lovete nga,
nia va sareri leghu vuhuku nga nia leghu voruhu nga, e ghua!
!Va lotorori ira ta peleku,
nia va mamalahuri ira malau ta pilipogutu!
6Ka ianimu tuna ghe, gedi age finini nga ira noni haroharo ia vari hio va doli ka God.’” ▼

▼3:6 Asaea 40:3-5

7Tehi noni dike kave lao ka Zone mala seselebeanarira manei, ghe manei neke kahe ghua ghidi iahi, “!Ghau ira toraina tuudi adogho minga! ?Hei neke va kahe ghini ghauna, ta boka pelo kainina ia varifate ta la meha ka God? 8O va podoli ka ia dolimu, toraina noto taghuru kairi ira sasakemu, noto fihiki lao ghu ka God ta ghuana. Oka re kahe ghua mo ghu iahi, ‘Ghai mu pagusuna meha Ebarahamu, to doli ghemai ghu,’ ta ghuana. E torai deo hohoghona mu ianimu. God e boka holarari mo ghahipa irahi, e mala nona rekaha ghu Ebarahamu. 9Geta ghua ghu ghatunaina ghe, ia malivi malana ia varifate ka God, to va tana mala keketerira ira zagharamu ghau. Ira leghu heke ta deo gedi veha ghu ira fuadi mu, edi age taraha hinaeri ghatu, edi kai laori ghu ka ia totoi.”

10Ia varigharana noni, dike notohi, “?Heve ghu ngaini ta riva ghinina ghai?”

11Zone neke ungene tughuri, “Neto kuruigho la palu sote, o vanani kaike ghu ia ta malanga. Neto au gheu ghano la, tufari ghedi ira ta nodi liha.”

12Ira mane ta sekesekeina nga ka hio takisi, dike meha mala seselebeana harona, dike notohi ghu Zone, “?Mane Vari Va Kakahei Agho, heve mo mu, ta riva ghinina ghai?”

13“O banabana, oka hio fuludu laoi la ghu heve neke nakainio ia gaumanina Romu ta mala hioina ghau ka ira takisi,” neke ghua ghidi.

14“?Heve mu geala ta riva ghinina ghai?” dike ghua notohodira kehara ka ira mane magara.

Zone neke ungene tughuri, “Oka fanga tutuufu ghu mala hio rongona ka ira noni, nia oka makuti ghu go va sura ghini sebo ghu hei noni, e ghua. Nga o va manemane ghidi ma ira nomu tabara.”

15Maneri haro dike au afa ghini ia Mesaea ta magali mehana, dike puina kabai avohi ghu ge Mesaea la mamu Zone ta ghuana. 16Zone neke ungene tughuri maneri kahe ghuana iahi, “Ara a seselebeana ghau ka kolo; nga e deo ma sepana, e la meha ghu mu kaike ghu ta kenu lao fuludu au ara; toraina kenu fuludu lao, e deo ghu ghe ga fata ghu ara ta fudaha kairira ira nona sadolo, taghe ia ta riva ghini kaike noni mala varituhu. Manei e age seselebeana ghau ghatu ka ia Tarunga Ta Maduana, nia ka totoi, e ghua. 17Manei neto va tana mala fotarira ira noni ta veha ka ira noni ta muko taghe kaike mane ponogara ta fotari ira subudi witi ka ira kafudi, ka ia nona foka mala fofota. Ianimu tuna ghe ge age va fegafegali nga ia galahena mala fofota, ge la nakairi ghu ira subudi witi ka ia nona suga mala nanakai, nga ira kafudi mu e age saligari ka ia totoi ta deo va nonoghana.” 18Zone neke tuturi beana ghini ia Nonomoho Ta Veha ka ira noni, ka tehi ghaghahenani, neke toraina kahe ghidi va gigima ghu ta holararira ira puhidi.

19Zone neke ungene tonoi haro molamo Herodi Anitipasi ia gavanana Galili ka kenudi ira noni, vununa manei neke varihio ka ia ghaseborona ia tahina mane, nia ghidi ira tehi leghutau ta zea neke riva ghidiro manei, e ghua. 20Herodi neke nakai hagheli ghu Zone ka ia pipiliga, ke va fate laoinani sasake iahi ka ira keha tehi sasake manei.

Ia Seselebeana Ka Zisas

Matiu 3:13-17; Maki 1:9-11; Zone 1:32-34

21Kaike ravata, di seselebeana ghu ira noni dike varighararo, taghonai Zisas neke seselebeana haro molamo ka Zone. Ne tarai ghu Zisas, ia kolanga fate neke tobehe, 22neke la hinae meha ghu ka fatena Zisas, ia Tarunga Ta Maduana taghe fifinina babahulu bora ia ta ghua. Kaike leo sipa mehana ka kolangana fate, neke kahe ghua iahi, “Agho mu ia Tuugu ta toraina namaha ghinigho ara, na toraina va manemane ghinigho ghu.”

Ia Pagusuna Zisas Ia Ta La Meha Ka Mere

Tatanigaina 5:1-32; 11:10-26; Ruti 4:18-22; 1 Sukutu 1:1-4,24-27,34; 2:1-15; Matiu 1:2-16

23Zisas mu neke nona au ka litofulu komuhuna ghe neke tataniga kave nga manei riva ghidira ira nona riva.
Ka ia avoavoho ira noni mu, Zisas mu neke tuunamane Zosepu.
Zosepu mu, neke tuunamane Heli.
24Heli mu neke tuunamane Matati.
Matati mu neke tuunamane Livae.
Livae mu neke tuunamane Melikae.
Melikae mu neke tuunamane Zanae.
Zanae mu neke tuunamane Zosepu.
25Zosepu mu neke tuunamane Matataeasi.
Matataeasi mu neke tuunamane Emosi.
Emosi mu neke tuunamane Nehamu.
Nehamu mu neke tuunamane Esilae.
Esilae mu neke tuunamane Nagai.
26Nagai mu neke tuunamane Meata.
Meata mu neke tuunamane Matataeasi.
Matataeasi mu neke tuunamane Semeini.
Semeini mu neke tuunamane Zoseki.
Zoseki mu neke tuunamane Zoda.
27Zoda mu neke tuunamane Zoanani.
Zoanani mu neke tuunamane Risa.
Risa mu neke tuuna Zerubabele.
Zerubabele mu neke tuunamane Sialitieli.
Sialitieli mu neke tuunamane Nirae.
28Nirae mu neke tuunamane Melikae.
Melikae mu neke tuuna Adae.
Adae mu neke tuunamane Kosamu.
Kosamu mu neke tuunamane Elimadamu.
Elimadamu mu neke tuuna Ere.
29Ere mu neke tuunamane Zosua.
Zosua mu neke tuuna Elieza
Eliza mu neke tuunamane Zorimu.
Zorimu mu neke tuunamane Matati.
Matati mu neke tuunamane Livae.
30Livae mu neke tuunamane Simoni.
Simoni mu neke tuunamane Zuda.
Zuda mu neke tuunamane Zosepu.
Zosepu mu neke tuunamane Zonamu.
Zonamu mu neke tuunamane Eliakimi.
31Eliakimi mu neke tuunamane Melea.
Melea mu neke tuuna Mena.
Mena mu neke tuunamane Matata.
Matata mu neke tuunamane Netani.
Netani mu neke tuunamane Deveti.
32Deveti mu neke tuunamane Zesi.
Zesi mu neke tuunamane Obedi. Obedi mu neke tuunamane Boazi.
Boazi mu neke tuunamane Salamoni.
Salamoni mu neke tuunamane Nasoni.
33Nasoni mu neke tuunamane Aminadabu.
Aminadabu mu neke tuunamane Adimini.
Adimini mu neke tuunamane Ani.
Ani mu neke tuunamane Hezironi.
Hezironi mu neke tuunamane Perezi.
Perezi mu neke tuunamane Zuda.
34Zuda mu neke tuunamane Zekopu.
Zekopu mu neke tuunamane Aesake.
Aesake mu neke tuunamane Ebarahamu.
Ebarahamu mu neke tuunamane Tera.
Tera mu neke tuunamane Nehoa.
35Nehoa mu neke tuunamane Serugu.
Serugu mu neke tuunamane Riu.
Riu mu neke tuunamane Pelegi.
Pelegi mu neke tuunamane Eba.
Eba mu neke tuunamane Sela.
36Sela mu neke tuunamane Keinani.
Keinani mu neke tuunamane Afakasadi.
Afakasadi mu neke tuunamane Semu.
Semu mu neke tuunamane Noa.
Noa mu neke tuunamane Lameki.
37Lameki mu neke tuunamane Metusala.
Metusala mu neke tuunamane Inoke
Inoke mu neke tuunamane Zeredi.
Zeredi mu neke tuunamane Mahalaleli.
Mahalaleli mu neke tuunamane Kenani.
38Kenani mu neke tuunamane Enosi.
Enosi mu neke tuunamane Seti. Seti mu neke tuunamane Adamu.
Adamu mu neke tuunamane God.