Luk 12:2-10 | KjiSC | STEP | Ia fafata e la meha mo ghatu, ta age podolo ira leghu dike poikaro nga; ira leghu popoika nga, edi age dodoruana ka ira noni haroharo.

Luke 12:2-10

2 Ia fafata e la meha mo ghatu, ta age podolo ira leghu dike poikaro nga; ira leghu popoika nga, edi age dodoruana ka ira noni haroharo. 3 !Heve leghutau noke kaheio ghau ka ia nagoromo mu, e age nomohi mo ghatu ka ia fegala, nia heve noke ngangau ghidi poikaro gilio ka ira ringifota ta babakisi, edi age kudo ghidi kave ghatu ka ira fatedi suga, mala nomohi ghu ira noni haroharo!

4 “Ghau taremehagu, oka maughidi ghemu ghu ira noni ta kabai atungu ghau. Maneri edi boka atungi ma ia tini lama; nia e deo heveni ta ke boka va riva ghini ghauna, e ghua. 5 Ghe a va kahe vanamu ghu ara hei mo ta mala maughinina ghau. O maughini God ia ta kurui mana mala va leme ghauna ghau, ta kai lao ghau ghu gehena. Uve, e hohoghona fuludu, God lamu ta torai mala maughinina ghau.

6 “?Nihau mu tabaradira gaha rio? ?Keha kunegele teri ma, ba heve? Ghe God e deo ghe ge nganakaini ghu kaike ghu ka maneri. 7 Geta ghua kalau haro nira ka pauu nia ghe, to taho va hokotori haro God. Oka maughemu la ghu; ghau mu tongovona fuludu laoni ka God, fuludurira ira tehi rio.

8 “A toraina va kahe ghini ghau ghu ara ka ia hohoghona: Noto va kahe ghidi la ghau ira noni, ta nogu noni mala nonofoauna ara ghau, ara Ia Tuuna Noni, a age va kahe ghidi ira engizeli ka God, ta nogu nonina ara mu ghau. 9 Nga noto va kahe ghidi la ghau ira noni, taka nogu noni mala nonofoauna ghu ghau, ara ia Tuuna Noni a age va kahe ghidi ira engizeli ka God, taka nogu nonina ghu ara mu ghau. 10 Geta ghua mo ianimu ghe, ira ta ungene va mukoi ia Tuuna Noni mu, e boka kai hazari mo ira muko ka maneri, nga ira noni ta kahe va mukoi ia Tarunga Ta Maduana mu, e deo ge boka kai hazari ghu ira sasake ka maneri.