Luk 12:22-34 | KjiSC | STEP | Ianimu tuna ghe neke fihiki lao nga ka ira nona mane ta nonofoi, neke kahe ghua ghu iahi Zisas, “A va kahe ghini ghau ghu ara, oka hangapuaha ghini ghu ia doli malamu leleghu ravata ghinina heve ghano ta age mahainina, nia heve poko ta age va vonaina.

Luke 12:22-34

O Nai Va Kenui Ia Ravutu ka God Ka Ia Nganganau

Matiu 6:25-33

22 Ianimu tuna ghe neke fihiki lao nga ka ira nona mane ta nonofoi, neke kahe ghua ghu iahi Zisas, “A va kahe ghini ghau ghu ara, oka hangapuaha ghini ghu ia doli malamu leleghu ravata ghinina heve ghano ta age mahainina, nia heve poko ta age va vonaina. 23 Vununa ia doli mu e tongovona fuludu laoi ia ghano, nia ia tini ge tongovona fuludu laori ghu ira poko ta va vonari agho, e ghua. 24 O ke matori ko ira aoao. Maneri e deo gedi hagalai rivai nunuma ghu, haharui ghu, nia papasai ghano ghu e ghua ka ira suga mala nanakai, vununa God ne valiharira. !Ghe ghau mo mu ta tongovona fuluduna ka manei fuludurira ira leghu memeha nga! 25 ?Heve, e boka mo ira leghu hangapuaha nga ka agho, take va sodu laoina ia doli ka agho? E toraina deo hohoghona! 26 ?Neto deo la ghu ia hangapuaha ka agho ge bokari ghu leghutau teri ta ghuara iranimu, mala heve ghu mu ta hangapuaha ghidira agho ira leghutau faadi?

27 “Fini laori ko ira lili ka ia ghaghahena kodolo vona maneri. Maneri e deo gedi riva ghu, nia rivai nodi poko ghu e ghua, geta ghua ghu Solomone ka ia varangana taghotagho manei, neke deona geke va vona poko ta veveha fuludu laori ghu maneri. 28 ?Neto ghua la ianimu God ragoso va veveharira ka havoro ira kava sare ta sesehuri, ira ta au lao ma ka ravata iahi nia ke saligari ma tuna fugho ka ia totoi ira ta ghua, heve e deo ge age faa ghu ia nona kopu manei ka ghau? !Ka rekahanara ia va hohoghona ka ghau! 29 Oka puina hangapuaha ghini la ghu ia ghano, heve ta mahainina nia ta ketuhina, e ghua. Oka hangapuaha ghini la ghu e boka mo baini God age vanamuna, ta ghuana. 30 Vununa ira noni ta deo gedi avohi ghu God mu edi hangapuaha ghidi tudu ma leghu irahi nga, ghe nomu Mama fate to kusu avohori ira ta malanga ghidi ghau. 31 Manei e age vanamu ira leghu ta malanga ghidi nga ghau leleghu ravata, noto nai kenui la ka ira hihingomu ia Ravutu Ka God.

32 “Oka maughemu la ghu, ghau ira taghe kaike rekahana pukuna sipisipi ira ta ghua, vununa nomu Mama ne puina veha vanani ta vanamuna ia ravutu. 33 O tatabara ghidi ira leghutau ta kuru ghau o tufari ghu ira ta malanga. !E ghua ianimu ghe ge age faa nia au va gima nga ia bokaboka ka ghau ka malauo God fate! Vununa ira mala sute rongo ka malauo God fate mu, edika reku ghu. Aianimu ta au va gimara ira bokaboka ka ghau, ka ia ta deo ge boka sikori ghu noni, nia ta deo ge boka ngovalarira fufu, e ghua. 34 Hae ta auna ira nomu bokaboka, aianimu ta auna molamo ira hihingomu, nia nganganamu ghau.