Luk 22:55-62 | KjiSC | STEP | Ira mane kopu dike va doli totoi ka giliona ia tatalana ta babara, ghe dike nohe liloho nga. Pita neke la holara nohe taremehadi haroma aianimu.

Luke 22:55-62

55 Ira mane kopu dike va doli totoi ka giliona ia tatalana ta babara, ghe dike nohe liloho nga. Pita neke la holara nohe taremehadi haroma aianimu. 56 Kaike ghaseriva neke fini avohi Pita ka ia fegalana totoi, neke tataniga mato dodoghohoti ghu, ghe neke kahe ghua nga iahi, “!Mane iahi neke au taremehana molamo Zisas!” neke ghua.

57 Ghe Pita neke tuufu kahe ghuana iahi, “Fotati agho, ara e deo ghe ga avohi ghu mane iamu,” neke ghua ghini.

58 Birusuna fafata leghuna ianimu, kaike nonini neke fini fata laoi Pita, neke kahe ghua ghu iahi, “!Agho mu toraina kaike ghu ma ka maneri!” neke ghua ghini.

“!E deo mighei, ara mu e deo!” neke ghua Pita.

59 Kaike aoa bana leghuna ianimu, kaike noni neke kahe ghuani iahi, “Mane iahi mu toraina kaike ghu ma ka ira mane ta nonofoi Zisas, vununa manei mu tanina haroma Galili.”

60 Ghe Pita neke kaheina mu, “Mighei, ara e deo ga avohi ghegu ghu, heve mo no turi ghinina agho,” neke ghua. Selu laoi ma kahe ghuana ianimu manei, to nakele ghu ia kokorako. 61 Ka fafata ianimu, ia Lod neke fihiki neke mato lao ghu ka Pita. Ianimu tuna ghe neke ngana leghui nga Pita, ia ngengene ka Zisas neke kahe ghuao iahi manei, “Ghe ge nakele nga ia kokorako ka fufugho nia fugho, agho o age tuufu lito fafata ta deona go avohoau ghu ara,” neke ghuao manei. 62 Ghahe kaini tuna ia tatalana ta babara neke ghua Pita, toraina nakele dudumana ghenana.