Matthew 15:21-28
Ia Va Hohoghona Ka Ia Fotati Taka Ziu Ghu.
Maki 7:24-30
21Zisas neke ghahe kaini Galili neke ghahe vai lao ghu fateo mo ka ia kobosona gheremedi ira palu malau leghaha Taea nia Saedoni, e ghua. 22Kaike fotatina Kenani taka Ziu ghu ta au aianimu, neke la meha ka Zisas neke toraina meha kudo ghu, “!Dudumana ghinagu Lod, agho ia Tuuna Deveti! Ia tuugu ghase ara ne sukui nazahi ne toraina au vavahagala ghu.” 23Ghe Zisas e deo ghe ge kahe laoi ghu kaike ngengene tei ghu ka manei. La meha tuna dike ghua ira nona mane ta nonofoi, dike la papadi ghu, “Va ghahei fotati iamu, vununa manei ne puina meha kudokudo leleghu ghita.” 24Ungene tughui tuna ia fotati neke ghua Zisas, “Ara mu neke tuhu mehau mala toka ghidi ma ira noni Isiraeli lama. Maneri mu taghe ira sipisipi tato ghahe va zea, dito ghua.” 25Ghe manei neke la torongaghituturu ka kenuna Zisas neke la papadi ghu, “!Lod, o toka ghinagu ko!” neke ghua ghini. 26“E deo ge fafahaka ghu ta hiorira ira ghedi ghano ira rekaha, ta kai vanadi laona ghu ira meusu,” neke ghua ungene tughuna Zisas. 27“E hohoghona mamu ianimu Lod,” neke ghua ungene tughuna ia fotati, “ghe ira meusuna nga, di mahairira ira furongodi ghano ta zoghu hinae ka ia tevo ia manefaadi,” neke ghua ghini. 28Va kahe ghini lao tuna neke ghua Zisas, “!Agho mu kaike fotati ta auigho leghahai va hohoghona! Heve ta kabai ghini nia agho mu, e age vananigho ghu.” Selu laoi ma ianimu, neto ke age veha ghena ghu ia tuunaghase.
Copyright information for
KjiSC