Mat 15:32-39 | KjiSC | STEP | Zisas ne kudori ira nona mane ta nonofoi, neke kahe ghua ghu iahi, “Ara na toraina dudumana ghidi ghegu ngama noni irahi. Maneri dito ke meha au tagu lito ravata, to deo ghu heve tadi mahainina. Ara e deo ga kabai ghini ghu ta nodi lihana ma maneri ta tuhu ghaherina ghu, vununa ghatu edi la kudoko ke ghahe vai leghudira ka sugadiro.”

Matthew 15:32-39

E Fuludi Rodana Togha Noni Ne Valiharira Zisas

Maki 8:1-10

32 Zisas ne kudori ira nona mane ta nonofoi, neke kahe ghua ghu iahi, “Ara na toraina dudumana ghidi ghegu ngama noni irahi. Maneri dito ke meha au tagu lito ravata, to deo ghu heve tadi mahainina. Ara e deo ga kabai ghini ghu ta nodi lihana ma maneri ta tuhu ghaherina ghu, vununa ghatu edi la kudoko ke ghahe vai leghudira ka sugadiro.”

33 Ungene tughui tuna dike ghua ira nona mane ta nonofoi, “?Hae mo ka malau koroghana ta karango iahi mu, ta boka hio ghano ta fatai mala valiharira ghita varigharana noni iahi?” dike ghua ghini.

34 “?Niha bereti tetepele ne kuru ghauna ghau?” neke ghua ghidi Zisas.

“Vitu ghu, nia keha rekahadi namari, e ghua,” dike ghua ghini.

35 Va kahe ghidi tuna ira noni haroharo, ta nohe hinaena ka kava ani, neke ghua Zisas. 36 Ianimu tuna ghe, neke hiori nga Zisas ira vitu bereti, nia ira namari e ghua, neke kudo vehai ghu God; kipekiperi tuna ge vanadi lao ghu ira nona mane ta nonofoi, gedi tufari ghedi ghu ira tehi noni, dike ghua.

37 !Maneri haroharo dike mahai ghedi dike age hoviri ghu. Leghuna ianimu, ira mane ta nonofoi dike sene va fouduri vitu leghahai maka ka ira ghano dike kunuro! 38 Rodana togha mane dike mahaira ka ravata ianimu, deona ge tahori ghu ira fotati nia rekaha, e ghua. 39 Leghuna ianimu, Zisas neke tuhu leghuri ira noni ka sugadiro, ghe neke la haghe nga ka kaike koaka, neke kadolo lao ghu ka ia kobosona Magadani.