Mat 24:15-21 | KjiSC | STEP | “Ghau o age finini ghatu ‘Ia Leghutau Ta Mumukoana’ neke ghua ghinio Daneli ia porofeti. Manei e age tetu ghatu ka giliona ia malau ta maduana.” !Heiri haroharo ta izumi iahi, va sisiva fafahaki ghu!

Matthew 24:15-21

15 “Ghau o age finini ghatu ‘Ia Leghutau Ta Mumukoana’ ^{▼▼Daneli 9:27; 11:31; 12:11} neke ghua ghinio Daneli ia porofeti. Manei e age tetu ghatu ka giliona ia malau ta maduana.” !Heiri haroharo ta izumi iahi, va sisiva fafahaki ghu! 16 “Heiri dito au la Zudia ka fafata ianimu, edi toraina pelo lao ka ira voruhu. 17 Hei ia ta au ka ia fatena nona suga mu, eka ke hinae la boroza ghu ka ia giliona suga. 18 E ghua haroma ka hei ia ta riva ka ia nona galahena nunuma, manei eka ke leghu lao ghu, ge la hioi ghu ia nona koti. 19 Ka mumukoanara ka ravata iranimu ghatu ka ira fotati ta potei rekaha nia ka ira uke ta boroi rekaha gogoso, e ghua. 20 Ara na Tarai fangai God eka mala age au la ghu ka ia rabongi, ba, ka ia Ravata Mala Maghoso, ia pelo ka ghau. 21 Vununa ia lelemeana ka fafata ianimu ghatu mu, e puina age mamaghuana fuludu laoi heve neto ke dufuna sepao ka malau iahi peka, nia e deo haroma leghutau ta varifata laona ka ianimu ta ke age dufunani ghatu, e ghua.