Mat 3:13-17 | KjiSC | STEP | Ianimu tuna ghe neke ghahe kaini nga Zisas Galili, neke lao ghu ka ia Ketuhu Zodani mala la seselebeanana ka Zone.

Matthew 3:13-17

Ia Seselebeana Ka Zisas

Maki 1:9-11; Luku 3:21-22

13 Ianimu tuna ghe neke ghahe kaini nga Zisas Galili, neke lao ghu ka ia Ketuhu Zodani mala la seselebeanana ka Zone. 14 Ghe Zone e deo geke kabai seselebeani ghu manei neke kahe ghua ghu iahi, “Ara mo ta fatai mala seselebeanana ka agho. ?Ne heve agho ghe, no la meha nga agho ka ara?”

15 Ghe Zisas neke ungene tughui, “E torai ghuana mamu iahi ghatunaina, vununa ghita da toraina riva ghidi ira vahina leghutau ta lotoro ta kabai ghidi nga God.” Ianimu tuna ghe veha mo neke ghua nga Zone, neke seselebeani ghu Zisas.

16 Ka ia leghuna seselebeanana Zisas ta ke kave meha ghu ka ia ketuhu, God neke tobehe vanani manei ia nona malau fate, neke fini ghu manei ia Tarunga ka God hinae meha taghe babahulu bora ta ghuana ta meha nohena ghu ka fatena taghonai. 17 Ianimu tuna ghe neke la meha nga ia leo ka malauo God fate, kahe ghuana iahi, “Iahi mu ia Tuugu ta namaha ghini ara, na toraina va manemane ghini fuludu ghu.”