Matthew 6:25-33
25“Ara a va kahe ghini ghau ghu taka hangapuaha ghinina ghu ia dolimu; ghinina ia ghano nia ketuhu ta mala hiori ta doli ghu agho, ba, ghidi ira poko malana ia tiniu. Vununa ia doli mo mu ta tongovona fuludu laoina ia ghano, nia ia tini ge tongovona fuludu laori ghu ira poko, e ghua. 26Fini laori ko ira memeha. Maneri edika rivai nunuma ghu, ba saputu sura ghano ghu, ba edika nakai teghi ghano ghu ka ira suga, vununa nomu Mama ka malaunao fate ne valiharira. Ka God mu, ghau mo ta tongovona fuludu laorira ira memeha. 27?Heve, e boka mo ira leghu varadoli nga ka ghau ta va sodu birusuna laoinani ia dolimu ghau? Toraina deo hohoghona. 28“?Heve ghu ghe no varadoli ghidi nga ghau ira poko? Fini laori ko ira havoro ta kodolo vona ghedi lameha. Maneri edika riva ghu, ba, edika rivai vanadi poko ghu taghodi, 29ghe ia Ginitaukela Solomone na ka ira leghu nona poko mala va vovona nga ghe, neke deona ge dufui ghu ia ridiradangana kaike ghu ka havoro irahi ka ira leghu nona taghotagho nga. 30?Neto ghua la ianimu God ragoso va veveharira ka havoro ira galahedi kava ta sesehuri, ira ta au lao ma ka ravata iahi nia ke saligari ma tuna fugho ka ia ligoso ira ta ghua, ge heve soni mu ia kopu ka manei ghini ghauna ghau? !Ka rekahanara ia va hohoghona ka ghau! 31“Oka suri varadoli la ghu kahe ghuana iahi, ‘?Heve baini ta mahainina ghai?’ ba ‘?Heve baini ta ketuhina ghai?’ ba ‘?Heve baini ta va vonaina ghai?’ ta ghuana. 32Vununa ira noni ta deo gedi avohi ghu God mu, ta toraina hangapuaha ghidi tudura leghutau irahi. Nomu Mama ka malaunao fate to kusu avohi ta malanga ghidira ghau leghutau irahi. 33Nga nai va kenui ia Ravutu ka God nia riva ghidi ira ta kabai ghidi Manei e ghua, ghe ge age vanamu nga manei leghu irahi nga.
Copyright information for
KjiSC