Luk 21:29-33 | KjiSC | STEP | Ianimu tuna ghe, neke va kahe ghidi nga Zisas ungene talevara iahi: “Ke ngana laoina nga ia heke figi, ba ira keha leghu heke nga.

Luke 21:29-33

Ia Hio Avoavoho Ka Ia Heke Figi

Matiu 24:32-35; Maki 13:28-31

29 Ianimu tuna ghe, neke va kahe ghidi nga Zisas ungene talevara iahi: “Ke ngana laoina nga ia heke figi, ba ira keha leghu heke nga. 30 Dito sekere la ira kaladi, ghau to avohi ma ia komuhu ba to namo ta ghuana, geta deo ghu hei noni ta va kahe ghini ghauna. 31 Taghe iala molamo, noto finiri la ghau leghutau nake turi ghidiro ara age dufudira, to avohi ma ghau ia Ravutu ka God ba neto namo, ta ghuana. 32 A toraina va kahe ghini ghau ghu ara, ubalana noni iahi e deo boka age leme harodira, edi vuhai age dufu haro ghu leghu irahi nga. ^{▼▼21:32“Genea” ta ghua iahi ka ngengene Giriki mu, “ubalana noni” e ghua, e boka va fafahaki mo ghu ka palu ghaghahena ka papaguaina iahi. E boka va ngana ghidi lao mo ira noni dike auro ka fafata ubalana noni ianimu. Tehini ka ira noni neke turi taremehadiro Zisas mu, haeba dike doli ngama ka leghuna ia fafata age huari maneri ia Sugana God ka A.D. 70 (70 komuhu leghuna ia urahana Zisas). E boka va ngana ghidi haro molamo ira noni ka kaike soloso, taghe ira noni Ziu la. Taghe fafahakanana ghu iahi mu, ia soloso ka ira Ziu mu geala e deo nga gedi age leme va nogha ghu, e dufu ghu ia huarana ia Sugana God, nia eke la leghu meha ghu Zisas, e ghua.} 33 Ia kolanga fate, nia malau iahi peka mu, edi age nogha ghatu, nga ira ngengenegu ara mu, e toraina deo ge age nogha ghu.