Luk 22:58-62 | KjiSC | STEP | Birusuna fafata leghuna ianimu, kaike nonini neke fini fata laoi Pita, neke kahe ghua ghu iahi, “!Agho mu toraina kaike ghu ma ka maneri!” neke ghua ghini. “!E deo mighei, ara mu e deo!” neke ghua Pita.

Luke 22:58-62

58 Birusuna fafata leghuna ianimu, kaike nonini neke fini fata laoi Pita, neke kahe ghua ghu iahi, “!Agho mu toraina kaike ghu ma ka maneri!” neke ghua ghini.

“!E deo mighei, ara mu e deo!” neke ghua Pita.

59 Kaike aoa bana leghuna ianimu, kaike noni neke kahe ghuani iahi, “Mane iahi mu toraina kaike ghu ma ka ira mane ta nonofoi Zisas, vununa manei mu tanina haroma Galili.”

60 Ghe Pita neke kaheina mu, “Mighei, ara e deo ga avohi ghegu ghu, heve mo no turi ghinina agho,” neke ghua. Selu laoi ma kahe ghuana ianimu manei, to nakele ghu ia kokorako. 61 Ka fafata ianimu, ia Lod neke fihiki neke mato lao ghu ka Pita. Ianimu tuna ghe neke ngana leghui nga Pita, ia ngengene ka Zisas neke kahe ghuao iahi manei, “Ghe ge nakele nga ia kokorako ka fufugho nia fugho, agho o age tuufu lito fafata ta deona go avohoau ghu ara,” neke ghuao manei. 62 Ghahe kaini tuna ia tatalana ta babara neke ghua Pita, toraina nakele dudumana ghenana.