Mar 12:41-44 | KjiSC | STEP | Zisas neke la nohe namoi ia bokese mala nai lao rongo ka giliona ia Sugana God, ghe neke matori nga ira noni ta la kakai. Ira tehi noni ta taghotagho dike kai lao rongo va faa.

Mark 12:41-44

Ia Nona Kakai Kudo Veha Ia Fotati Ta Lemekai Ta Kuma

Luku 21:1-4

41 Zisas neke la nohe namoi ia bokese mala nai lao rongo ka giliona ia Sugana God, ghe neke matori nga ira noni ta la kakai. Ira tehi noni ta taghotagho dike kai lao rongo va faa. 42 Ianimu tuna ghe neke la meha nga kaike fotati ta lemekai ta kuma, neke nai haghele laori ghu palu rekahadi kunegele teri ta kapa, ta deo ge dufui ghu gigimana kaike seniti. 43 Zisas neke kudo varighara ghidi ira nona mane ta nonofoi, ghe neke va kahe ghidi nga, “A toraina va kahe ghini ghau ghu ara, fotati ta lemekai ta kuma iahi mo mu, neke kai va faa fuludu lao rongona ka ira keha dike kakai laoro, 44 vununa kakaina ka maneri neke birusuna tei ma ka ira rongo leghaha ta taghori maneri, nga fotati ta lemekai ta kuma iahi mu, neke kainina ia toraina va nonoghana rongo neke kuruio manei.”