Mar 7:31-37 | KjiSC | STEP | Zisas neke ghahe kaini Taea neke lao ghu Saedoni, ghe neke leghu nga ka ia Lokana Galili, ghahe vai laona ka ia hori ta au ira Tazo Malau Leghaha.

Mark 7:31-37

Zisas Neke Va Vehai Ia Mane Ta Melongo Ta Gimai Ngengene

31 Zisas neke ghahe kaini Taea neke lao ghu Saedoni, ghe neke leghu nga ka ia Lokana Galili, ghahe vai laona ka ia hori ta au ira Tazo Malau Leghaha. 32 Keha nonira dike hio mehai ka Zisas kaike mane ta melongo, ta gimai ngengenena, dike papadi ghu ta posinina manei, mala ke va vehai ghenana. 33 Zisas neke hio hazai ia mane ka ira varigharana noni, ghe neke la va suku laori nga ira palu kilona ka ira talingana. Ianimu tuna ghe neke kamusuri nga ira kilona taghonai Zisas, neke posi laoi ghu ia lalamena ia mane. 34 Mato vona tuna ka kolangana fate, ge hingo kai ghu neke ghua manei, ghe neke kahe ghua nga iahi ka ia mane, “!Efata!”, fafahakanana mu “!O tobehe!” e ghua. 35 Ianimu lama neto ke toraina nonomoho va veha ghu ia mane, nia ia lalamena geto ke sasalaha ghu ke toraina ngengene va vevehana, neke ghua.

36 Zisas neke ungene va gigimari ira noni ta varighara, taka turi ghinina ghu ka hei noni ghinina iahi. Ghe e kahe ghidi ghu manei, ianimu tuna ghe gedi suufu laoni nga tuna, va ongahina ia tuturi. 37 Maneri dike toraina nodi fere fuludu, dike kahei ghu iahi, “Vahina riva ta riva ghidi irahi nga manei mu, toraina namanama fuludu ma. Ta va veharidi ghe manei ira ta melongo, nia ira ta melu ngengene.”