Genesis 36

Ětò̌ akhlialè hǎte̤gilò̤ toǒ

1Htǒo mî̌ Ětò̌ akhlialè hǎte̤gilò̤ toǒ hǒ, dě kò kaǎpo̤ nû̌û ta Edo. ^a 2Ětò̌ phî̌ ama ta Khana̤khlilèmo̤ toǒ, dě a phî̌ ta Hǐtǐkhlilè Ělo aphû̌mamǔ Adǎ ta Hǐwǐ khlilèmo̤ Aholibamǎ. A mî̌ Anǎ aphû̌mamǔ, Sǐbeo ali̤mamǔ. ^b 3Dě a phî̌po̤ ta Basemǎ, a mî̌ Ǐshameělè aphû̌mamǔ, Nabayǒ apṳmamǔ. ^c 4Ětò̌ ama Adǎ phû̌ǒlò̤ Eliphǎ. Basemǎ mî̌ a phû̌ǒlò̤ Rûělè. 5Dě Aholibamǎ phû̌ǒlò̤ Yǔshǎ ta Yala ta Kò̌rǎ. Asî mî̌ Ětò̌ aphû̌makhû dě a ǒlò̤ lǒkho bǎ Khana̤gakûnu toǒ hǒ. 6Ětò̌ kaǎnṳ amatoǒ, aphû̌makhû aphû̌mamǔ toǒ ta lǒ̤꤮ bò kòyò ǒ ahǐdǒkûnu toǒ, htohǒtò̤ a to̤nṳbò ata̤phû̌ta̤li̤ toǒ ta ta̤kî̌ta̤kû̌ htě a nî̤bǎ bǎ Khana̤gakûnu toǒ, htodě a hǎhtò̌cû̌ ǒkhǒyî̤kè ta apṳ Yǎ̤kò. 7Asîta̤kî̌ta̤kû̌ toǒnu a ǒplṳ̂ tûlû̌꤮ shû̌ dě a ǒhtujòpe nû̌û tò̤ hǒ. Asîta̤phû̌ta̤li̤ toǒ mî̌ a ǒwo̤ǒphǎ mè̤mè̤̌ akhû̌akhî, asî sò̌gini̤bò la̤gèǐ ta̤phû̌ta̤li̤ gûla̤ ayanu a gûla̤shû tò̤. ^d 8Hǐnudě Ětò̌ htě kò kaǎ nû̌û ta Edo htǒotapwa̤ cû̌ǒkè bǎ Serǎkholokla nutò̤glò. ^e

9Htǒo mî̌ Edokhlilèphû̌ toǒ apha, Ětò̌ akhlialè htě aǒ lǒkho Serǎkholokla alo̤nu toǒ ata̤khwè̌mǎnǎ hǒ. 10Ětò̌ aphû̌makhû toǒ mî̌ kwè̌꤮ ûpè hî̌dě, Eliphǎ mî̌ ama Adǎ aphû̌makhû htǒo, ta Rûělè mî̌ ama Basemǎ aphû̌makhû htǒonu hǒ. 11Eliphǎ aphû̌makhû toǒ mî̌ kwè̌꤮ ûpè hî̌dě, Tema, Omara, Sephò̌, Gata ta Kenǎsǎ sî htǒotoǒ hǒ. 12Ětò̌ aphû̌ Eliphǎ amaja tapwa̤ mî̌ ami̤ ta Tǐmanǎ dě a phû̌ǒlò̤ Amalè̌. Bò꤮ htǒo toǒ mî̌ Ětò̌ ama Adǎ ali̤makhû toǒ hǒ. 13Rûělè aphû̌makhû toǒ mî̌ Naha, Serǎ, Shamǎ, ta Mǐsǎ sîtoǒ hǒ. Dě asî lǒ̤bò toǒnu mî̌ Ětò̌ ama Basemǎ ali̤makhû toǒ hǒ. 14Aholibamǎ mî̌ Ětò̌ ama. A mî̌ Anǎ aphû̌, Sǐbeo ali̤mamǔ tapwa̤. Aholibamǎ aphû̌makhû toǒ mî̌ Yǔshǎ, Yala ta Kò̌rǎnu toǒ hǒ.

Ětò̌ akhlialè toǒ

15Dě Ětò̌ akhlialè hǎte̤gilò̤ toǒ akla, pwa̤ htě a htû akhlilè tacǎ ta tacǎ hǐkǒdû̌ toǒnumî̌ mî̌pwǎ Ětò̌ aphû̌wè̤pwa̤ Eliphǎ aphû̌ Tema, Omara, Sephò̌, Kenǎsǎ, 16Kò̌rǎ, Gata ta Amalè̌ sî toǒ hǒ. Pwa̤htû hǐkǒdû̌ htǒotoǒ mî̌ Eliphǎ aphû̌makhû ǒ dě Edogakûnu toǒ hǒ, dě asî mî̌ Adǎ ali̤makhû toǒ hǒ. 17Ětò̌ aphû̌makhû Rûělè aphû̌makhû htě ahtû hǐkǒdû̌ toǒ mî̌ Naha, Serǎ, Shamǎ ta Mǐsǎ sî toǒ hǒ. Dě Pwa̤htû hǐkǒdû̌ htǒotoǒ mî̌ akhlialè hǎte̤gilò̤ ta Rûělè htě a ǒ dě Edogakûnu tapwa̤ hǒ, dě asî mî̌ Ětò̌ ama Basemǎ ali̤makhû sî toǒ hǒ. 18Ětò̌ ama Aholibamǎ aphû̌makhû htě a htûhǐkǒdû̌ toǒnu mî̌ Yǔshǎ, Yala ta Kò̌rǎ sî toǒ hǒ. Pwa̤htûhǐkǒdû̌ htǒo toǒ mî̌ Anǎ aphû̌mamǔ mî̌ Ětò̌ ama Aholibamǎ ali̤makhû sî toǒ pwǎ.

19Kòyò htǒo toǒ mî̌ Ětò̌ htě ami̤ ǒkhǒpo̤ ta Edo htǒo aphû̌makhû toǒ dě asî htǒotoǒ mî̌ a htû Edo khlilèphû̌ ahǐkǒdû̌ toǒ hǒ.

Seirǎ akhlialè toǒ

20Hǒrǐ khlilèphû̌ Serǎ aphû̌makhû htě a ǒ lǒkho bǎ gakûnu toǒ mî̌ Lota, Shobalǎ, Sǐbeo, Anǎ, 21Dǐsho, Esa ta Dǐshanu toǒ hǒ. Serǎ aphû̌ htě a ǒ bǎ Edogakû htǒtoǒnu mî̌ Hǒrǐ khlilè ahǐkǒdû̌ toǒ hǒ. 22Lota aphû̌makhû toǒ mî̌ Hǒrǐ ta Hema, Tǐmanǎ mî̌ Lota apṳmamǔ. 23Shobalǎ aphû̌makhû toǒ mî̌ Alawṳ̂, Manaha, Ěbalǎ, Shephǒ, ta Ona sî toǒ hǒ. 24Sǐboo aphû̌makhû toǒ mî̌ Ayǎ ta Anǎ hǒ. Ana mî̌ pwa̤ htě a gèǐ bǎ apha Sǐbeo amòû̌lǎ bǎ a cû̌gèǐ akha, a cû̌kè̌shǐ shipo̤htǎ toǒ lo̤mî̌shǒklakhû̌ tapwa̤. 25Anǎ aphû̌ toǒ mî̌ Dǐsho ta Aholibamǎ htǒonu hǒ. 26Dǐsha aphû̌makhû toǒ mî̌ Hemada, Ěshaba, Itara ta Kera sîtoǒ hǒ. 27Esa aphû̌makhû toǒ mî̌ Bǐlaha, Sawû ta Aka htǒotoǒ hǒ. 28Dǐsha aphû̌ mî̌ Ǔsǎ ta Ara. 29Pwa̤ htě a htû Hǒrǐ khlilè hǐkǒdû̌ toǒ mî̌ Lota, Shobalǎ, Sǐbeo, Anǎ, 30Dǐsho, Esa ta Dǐsha sîtoǒ hǒ. Kòyò htǒo toǒ mî̌ pwa̤htû Hǒrǐ khlilè hǐkǒdû̌ bǎ Serǎgakûnu toǒ hǒ.

Khwǐ dě Edogakû toǒ ^f

31Bǎ Israelphû̌ toǒ akhwǐ ǒ hǒtò̤ akhanu, Khwǐ htě a pǒǐ bǎ Edoga toǒ numî̌ kwè̌꤮ ûpè hî̌numî̌, 32Baora aphû̌ Bela htûhtò̌ Khwǐ bǎ Edogakûnu. Awî̤ mî̌ ami̤ ta Dinahabawî̤. 33Bǎ Khwǐbela sihto akhanu, Bò̌saragaphû̌ Serǎ aphû̌ Jobǎ htò̌htû ge Khwǐ. 34Bǎ Khwǐjobǎ sihto akhanu, Temanǐgaphû̌ Hǔshamǎ htò̌htû ge Khwǐ. 35Bǎ Khwǐhǔshamǎ sihto akhanu, Bedǎ aphû̌ Hadǎ htě a shěpè̤kè Mǐdia khlilèphû̌ toǒ bǎ Mò̌bǎgakûnu tapwa̤ htò̌htû ge Khwǐ. Awî̤ mi̤ ta Awǐwî̤. 36Bǎ Khwǐhadǎ sihto akhanu, Masarè̌gaphû̌ Samalǎ htò̌htû ge Khwǐ. 37Bǎ Khwǐsamalǎ sihto akhanu, Shòlǎ htò̌htû nû̌ûgûla̤. A mî̌ Rahǒbowî̤phû̌ dě a ǒ shikhî̌htunu tî̤wî̤. 38Bǎ Khwǐshòlǎ sihto akhanu, Akhabò aphû̌ Balahana htò̌htû ge Khwǐ. 39Bǎ Akhabò aphû̌ Khwǐbalahana sihto akhanu, Hada htò̌htûge Khwǐ. Awî̤ mî̌ Paǔwî̤ dě ama mî̌ a mi̤ ta Mahetabeělè, dě a mî̌ Mesaha Ali̤mamǔ, Matarè̌ aphû̌mamǔ.

40Ětò̌ akhlialè hǎte̤gilò̤ dě ahtûtû̌ hǐkǒdû̌ htě akhlilè ta akhlilè hǐkǒdû̌ tû̌, agûla̤ ta agûla̤ tû̌nu toǒ mî̌ Tǐmanǎ, Alawa ta Jetè̌, ^g 41Aholibamǎ, Ěla, Pino 42Kenǎsǎ, Tema, Mǐbasa, 43Makadiělè ta Ěra sîtoǒ hǒ. Asî htǒotoǒ mî̌ a htû bǎ Edogaphû̌ ahǐkǒdû̌ toǒhǒ. Pwǐ asî phî̌ǒtû̌ agûla̤ tò̤glò ta tò̤glònu a kaǎ lǒkho tû̌ nû̌ûta ami̤ tû̌. Ětò̌ mî̌ Edokhlilèphû̌ toǒ apha hǒ.