Joh 18:33-38 | KxfSCKRC | STEP | Hǐnudě Khwǐpilǎto nṳ ahokû dě a nokaǎnṳ kò ta Běcǎ Ye̤shǔ dě a gwè nû̌û, “Na mî̌ Yṳ̌daphû̌ akhwǐ tapwa̤ mè̤mè̤̌ ya?”

John 18:33-38

33 Hǐnudě Khwǐpilǎto nṳ ahokû dě a nokaǎnṳ kò ta Běcǎ Ye̤shǔ dě a gwè nû̌û, “Na mî̌ Yṳ̌daphû̌ akhwǐ tapwa̤ mè̤mè̤̌ ya?”

34 Běcǎ Ye̤shǔ hî̌shǔ nû̌û, “Htǒomî̌ na ta̤gènè̤ hî̌htò̌ tû̌ ya? Mè̤tò̤mî̌ kòyò tapwa̤pwa̤ hèhî̌bǎ na ta hewi̤hekè̌ ya?” A gwè getîkhîshǔ nû̌û hǐnu.

35 Dě Khwǐpilǎto hî̌ nû̌û, “Na gènè̤ he ta Yṳ̌daphû̌ hò̌? Pwa̤ htě a sûhè na dě heǒ toǒ numî̌ na khlilèphû̌ tû̌ ta na pwa̤tòlûhtò̌ hǐkǒdû̌ tû̌pwǎnu toǒ. Na cû̌ma̤sǔ kwè̌ titè?” Khwǐpilǎto gwè nû̌û hǐnu.

36 Běcǎ Ye̤shǔ hî̌shǔ yǎ, “Heshihega mî̌ hǎkhû̌bǎo mè̤tò̤. A dè mè̤ hǎkhû̌bǎo hî̌nu, ma̤pûhǐ he to̤pûdě Yṳ̌daphû̌ a hǐkǒdû̌ htǒotoǒ a cǔdekû ma̤nu, hekho htě a gûkû̌ he toǒ glè shěshǔhto asî hǒkò̌. Hǐnudě heshihega mî̌ hǎkhû̌bǎonu mè̤tò̤.” A hî̌ hǐnu.

37 Khwǐpilǎto hî̌ nû̌û, “Dè hî̌hǐnu hî̌dě na htû Khwǐ tapwa̤ ya?” A gwè nû̌û hǐnu.

Běcǎ Ye̤shǔ hî̌shǔ yǎ, “He mî̌ Khwǐ tapwa̤ mè̤mè̤̌ pwǐ na hî̌nu. Ma̤pûhǐ he pwe̤ǐbǎ kò ta ta̤te̤ta̤mǎ nudě, he hè ǒphû̌jalò̤ hǎkhû̌bǎo hǒ. Kòyò lǒ̤꤮ bò ǒkû̌ ta ta̤te̤ta̤mǎ tokho toǒnu a gana̤de heyo̤ pě.” A hî̌ hǐnu.

(Matěo 27:15-31; Mǎ̤riko 15:6-20; Lǔka 23:13-25)

38 Khwǐpilǎto gwè nû̌û, “Ta̤te̤ta̤mǎ mî̌titè?” Dě Khwǐpilǎto hǎhtò̌gesǒ dě Yṳ̌daphû̌ htǒotoǒ a ǒ dě a hî̌ asî, “He glè̌ cèrò yǎ ayanu he kè̌shǐ ata̤sǔ dǐcǎ꤮ tò̤.” A hî̌ asî hǐnu.