Joh 6:15-21 | KxfSCKRC | STEP | Běcǎ Ye̤shǔ sî̌ya ta asî glè̌ hè nohtûhtò̌shû̌ nû̌û ta Khwǐ akhû̌akhî, a cû̌htò̌ khǒkè tû̌ dě kholokhû̌ tapwǎ̤ pa.

John 6:15-21

15 Běcǎ Ye̤shǔ sî̌ya ta asî glè̌ hè nohtûhtò̌shû̌ nû̌û ta Khwǐ akhû̌akhî, a cû̌htò̌ khǒkè tû̌ dě kholokhû̌ tapwǎ̤ pa.

Běcǎ Ye̤shǔ cû̌ dě shikhû̌

(Matěo 14:22-27; Mǎ̤riko 6:45-52)

16 Bǎ lṳmṳhǎlò̤ akhanu, akhophijaû̌ toǒ hǎte̤gilò̤ cû̌ lǒkho dě shikoǒdû̌htu. 17 Asî hǎte̤ dò̌nṳ sǒkhli bǎnu dě a hǎhtò̌cû̌ lǒkho Kaperanòwî̤. Wî̤htǒonu a ǒ dě shikoǒbò̌kho tokho. Lṳmṳkhǐkèhǒ hǐnudě Běcǎ Ye̤shǔ geto̤ kû̌ asî hǒtò̤. 18 Gili̤sǎ hè dě shipěpǒ hèshû̌. 19 Bǎ asî khlòcû̌to̤ sumè̤, lǐ̤mè̤ akhanu, asî kè̌shǐ Běcǎ Ye̤shǔ cû̌ shikhû̌ dě ahèphǔto ta asî sǒkhli. ^{▼▼Mè̤ mî̌ a gunò̤ ta akhlî 880} dě asî ǐsha sò̌gònò̤bò nû̌ûla̤. 20 Dě Běcǎ Ye̤shǔ hî̌ asî, “Hepwǎ! Ǐsha lǒkho pûma̤.” 21 Htǒotaplǎdě asî sò̌le̤sò̌lò̤ kaǎshǔ lǒkho Ye̤shǔ dě sǒkhlikû. Dě taplǎpa, sǒkhlihtǒo cû̌to̤tǒ̤kè dě shihtu bǎ asî la̤cû̌htǒo tò̤glò.