Luke 10:4-11
4Wûhû̌khi bǎbǎ, hû̌khi bǎbǎ, khò̌phě bǎbǎ, phî̌cû̌nṳ pûma̤ dǐcǎ꤮ ma̤ nî̌꤮. Bǎ sî cû̌ dě klè̌lo̤ akhanu, cû̌ ǒkǔ hî̌mo̤hî̌wǒ pûma̤ kò dǐpwǎ̤꤮ ma̤ nî̌꤮. 5“Bǎ sî cû̌nṳ dě hǐ tamama kû akhanu, hî̌wǐgutṳ̌ ta, ‘Ta̤gûjûkabǎ ǒ tû̌pû dě hǐhtǒo tama akû nî̌꤮!’ Hî̌ lǒkho hǐnu nî̌꤮. 6Kòyò htě a mo̤ǐ ta̤pè̤ta̤dû dè ǒ bǎnu tapwa̤ hî̌numî̌, a nî̤bǎ tû̌ na hî̌ yǎ ta̤pè̤ta̤dû htǒonu pě. Kòyò htě a mo̤ǐ ta̤pè̤ta̤dû dè ǒtò̤ hî̌nu, na hî̌ ta̤pè̤ta̤dû htǒonu a gesǒ tû̌ dě naǒ pě. 7Ǒ bǎ hǐnu tama akû dě hǐběcǎ ǐǎǐo sî hî̌tètè̌꤮ bǎbǎ, tûrû̌ ǎ lǒkho, ma̤tè̤hî̌dě pwa̤ma̤ta̤ tapwa̤nu, a to nî̤bǎ akhû̌akǎ. Cû̌ǒlèhǎmoǒ pû kòyòhǐ tama hto tama ma̤ nî̌꤮. a 8“Sî cû̌nṳ dě wî̤ tî̤wî̤wî̤ akû bò̌khòtè꤮ bǎbǎnu, kò dè kaǎshǔ sî dèhî̌dě, kò ǐǎ sî titètè̌꤮ bǎbǎnu, tûrû̌ ǎ lǒkho. 9Ma̤bǎ bǎ kòyò htě ashǐasha bǎ wî̤nu tî̤wî̤ akûnu. Dě pwe̤ǐ kòyò ǒ bǎnu toǒ ta, ‘Cǒmara glè pǒshipǒga ani̤asanu a hèto̤phǔ ta sî hǒ.’ 10Pwǎ̤tadě bǎ sî cû̌nṳ dě wî̤ tî̤wî̤wî̤kû akhanu, kò dè kaǎshǔ sî tò̤ dèhî̌dě, cû̌ dě klè̌dû̌kûnu, dě cû̌ hî̌ ta, b 11‘Sî wî̤kû hǎgûmṳ̂ htě a bǒmě pa khǎlǎla̤ htǒotoǒnu, pa tèdè̌lòte̤kè bǎ sî hǒ. Pa sò̌yṳ nosî̌ya sî ta pa bè̌kè sî hǒ. Pwǎ̤ta to̤mǎǐ lǒkho ta Cǒmara glè pǒshipǒga ani̤asanu a hèto̤phǔ hǒ.’ c
Copyright information for
KxfSCKRC