Mat 20:29-34 | KxfSCKRC | STEP | Bǎ Běcǎ Ye̤shǔ ta akhophijaû̌ toǒ hǎhtò̌cû̌kè bǎ Yerikhò̌wî̤ akhanu, kòyò saprṳ̂ gûkû̌bò nû̌ûkò tṳ̂prṳ̂taphǎ.

Matthew 20:29-34

Běcǎ Ye̤shǔ ma̤bǎ bǎ kòyò mi̤sǎkhǐ sò̌gini̤

(Mǎ̤riko 10:46-52; Lǔka 18:35-43)

29 Bǎ Běcǎ Ye̤shǔ ta akhophijaû̌ toǒ hǎhtò̌cû̌kè bǎ Yerikhò̌wî̤ akhanu, kòyò saprṳ̂ gûkû̌bò nû̌ûkò tṳ̂prṳ̂taphǎ. 30 Kòyò mi̤sǎkhǐ sò̌gini̤ hǎnòò̌ klè̌htu dě bǎ a gana̤de kò hî̌ ta Běcǎ Ye̤shǔ hè asî kòshî̌ akhanu, a yi̤kǒ dě a hî̌, “Kǒ꤮ Dǎ̤wi̤ aphû̌khû, Běcǎ꤮, gwèbǎǐ pû pa nî̌꤮.”

31 “Sǔsǔ꤮ ǒmò̌,” Kòyò saprṳ̂ toǒ hî̌ shosho asî, a tǐ̤ yi̤kǒhtò̌ shoshopo̤, “Kǒ꤮ Phadǎ̤wi̤ aphû̌khû, Běcǎ꤮, gwèbǎǐ pû pa nî̌꤮,” hǐnu.

32 Běcǎ Ye̤shǔ ǒkǔ kaǎ asî dě gwè asî, “Sî sò̌yṳ noma̤ he mî̌titè?”

33 Dě asî hî̌ nû̌û, “Běcǎ, pa sò̌yṳ mi̤sǎlî kû̌kò.”

34 Běcǎ Ye̤shǔ gwèbǎǐ asî dě a tè̌hè asî mi̤sǎphlǒ dě asî mi̤sǎlîhtò̌ sumṳ. Dě asî sahtò̌ gûkû̌bò nû̌û kò.