Psa 120 | KxfSCKRC | STEP | Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤. Bǎ he ǒ ta ta̤pò̤ta̤shakû akhanu, he kwigwèbǎǐ Cǒmara tûjûpwa̤ dě a ma̤jè he.

Psalms 120

1 Bǎ he ǒ ta ta̤pò̤ta̤shakû akhanu, he kwigwèbǎǐ Cǒmara tûjûpwa̤ dě a ma̤jè he.

2 Kǒ Cǒmara tûjûpwa̤, ma̤lû̌htò̌ge he dě kòyò lòhǎlòho, kòyò jono̤ acǔdekû.

3 Kǒ kòyò lòhǎlòho, Cǒmaradû̌ glè ma̤ sî hî̌tè pě ya?

A glè cèròjîkhlopo̤ sî pwî̌꤮ tè pěya?

4 Pwa̤htò̌shěta̤ apla̤ htě a htòmè̌sû̌ toǒ glè shěnṳbò sîna̤.

Kò glè shû̌gè sî ta mî̌klû̌ htě agè lî̤pi̤sǐ.

5 He cû̌ǒ pwǐ shǐtè̤mè̤nu dě Meshè̌ga, he cû̌ǒ dě Keda hǐphû̌kû akhû̌akhî, ajîajû mè̤mè̤̌ he.

6 He cû̌ǒ yî̤꤮ htukû̌ mè̤mè̤̌ ta kòyò htě a sò̌khěkhû̌khwè ta̤pè̤ta̤dû.

7 He sò̌yṳ pwǎpǒ̤꤮ ta̤pè̤ta̤dû.

Bǎ he hî̌bǎ ta̤pè̤ta̤dû akhanu, asî sò̌yṳ còcè̌꤮ pwǎ ta̤shěta̤pe̤.