Psalms 127
Gûma̤ Cǒmara ata̤sû̌ta̤tòwò
Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤. Khwǐshòlomo ata̤sò̌po̤ htû̌sò̌ǐ.
1Cǒmara tûjûpwa̤ dè ma̤htò̌ hǐ tò̤ hî̌mî̌, pwa̤ma̤htò̌ hǐnu, a ma̤ nòdû̌bò pwǎ. Cǒmara tûjûpwa̤ dè ǒpo̤kè̌ǐ wî̤ tò̤ hî̌mî̌, pwa̤ htě a ǒpo̤kè̌ǐ toǒnu, a ǒpo̤kè̌ǐ nòdû̌bò pwǎ. 2Ihtǒwo̤ hǎmoǒkhǐ dě goǎgowè̤ shuphǔshèwè pwî̌tè꤮ bǎbǎ, a nòdû̌bò pwǎ. Kòyò htě Cǒmara mo̤ǐ nû̌ûnu, bǎ a hǎmoǒ akhanu, Cǒmara kè̌ǐkhwè̌ǐ nû̌û. 3Phû̌mǔphû̌khû toǒ mî̌ û̌cata̤bî̌ htě Cǒmara tûjûpwa̤ ǐlò̤. Asî mî̌ Cǒmara asû. 4Bǎ nějape akha nî̤bǎ phû̌ toǒnu, asǒsǒta pla̤ ǒplṳ̂ dě klihǐkǒdû̌ acǔdekû. 5Kòyò htě a ǒǐ lǒbetû̌ pla̤ dě amòkû toǒnu a nî̤bǎ ta̤howi̤. Bǎ asî kè̌shǐshǔ ta pwa̤sò̌khě asî toǒ bǎ wî̤we̤dû̌ takhahtu ▼▼Wî̤we̤dû̌ takhahtu dě Israelga mî̌ ta̤cèròto cèròbǎ agûla̤.
akhanu, a sòwò̤nǒ dǐkhò̌꤮ tò̤.
Copyright information for
KxfSCKRC