Psalms 141
Ta̤kwisaba ta ta̤ma̤kwaǐ aya
Khwǐdǎ̤wi̤ ata̤sò̌po̤ htû̌sò̌ǐ.
1Kǒ Cǒmara tûjûpwa̤, he kwigwèbǎǐ na, ma̤jè phwèmò̌ he. He kwihtò̌ nata̤ma̤jè akhanu, gana̤de bǎ he. 2He ta̤kwihtò̌ nanu nohtûtû̌ yǎta ta̤nṳmû̌. He yṳ̂htò̌ cǔde dě kwisabahtò̌ na htǒo a glè ma̤mo̤sû̌mo̤sò̌ tû̌ nasò̌phlǒ pwǐ꤮ lṳmṳhǎ ata̤lṳhtò̌nu nî̌. a 3Kǒ Cǒmara tûjûpwa̤, pǒǐ heta̤hî̌bǎ, ǒpo̤kè̌ǐ hekhû̌phě. 4No cû̌ ma̤pû he ta̤phû̌mò̤shî̌hto ma̤, mè̤tò̤dě nocû̌ ma̤phû̌mò̤plǒ kû̌ pûma̤ he ta kòyòphû̌mò̤nu toǒ ma̤. No ǎhtuohtu kû̌ pûma̤ he ta asî shǎǎshǎonu ma̤ma̤. 5No phlě he ta kòyòcǒkòyòtè̤nu, htǒomî̌ a glè htû ta̤ma̤mo̤ma̤wǒ ta heya. No sû̌ǐto he ta anu, htǒomî̌ alò̤ta kò plṳ mòû̌shi dě hekhǔlṳlo̤. He la̤kè nǒ asîta̤sû̌ta̤tòwò tò̤. heta̤kwisabanu a shěshǔ mè̤mè̤̌ pwa̤ma̤ta̤phû̌mò̤shî̌htonu toǒ a ta̤ma̤. 6Bǎ kò wîlòte̤kè pwa̤pǒ asînu toǒ dě gòpò̤lo̤ akhanu, asî glè sî̌ya ta heta̤hî̌bǎ toǒ numî̌ ato. 7Asî akhwǐakhû̌ toǒ nûpò̌nûshî nṳbò dě lṳnǎkhwǎdo sǒsǒta ta kò po̤mǔ lo̤nu. 8Kǒ Cǒmara tûjûpwa̤, he Běcǎpha tûjûpwa̤, he kè̌shunǎla̤ǐ pǒ̤꤮ pwǎ na. Na mî̌ he la̤ǒtûdû agûla̤, noma̤sikè pûma̤ he ta asî ma̤. 9Ma̤kwadǐdòǐ he ta sumṳ htě asî dò̌nǎ he, htò̌glo htě kòyòphû̌mò̤ dò̌nǎ henu toǒ. 10Bǎ na ma̤lû̌htò̌ he akhanu, nopo̤bǎbò gesǒ asî ta asumṳnu toǒ.
Copyright information for
KxfSCKRC