Psa 60:5-12 | KxfSCKRC | STEP | Kòyò htě na mo̤ǐ htǒotoǒ lû̌htò̌ ayanu, ma̤lû̌htò̌ge pa ta nacǔde htě asîrîpo̤phǎshû̌sho. Gana̤depû pata̤kwisaba.

Psalms 60:5-12

5 Kòyò htě na mo̤ǐ htǒotoǒ lû̌htò̌ ayanu, ma̤lû̌htò̌ge pa ta nacǔde htě asîrîpo̤phǎshû̌sho.

Gana̤depû pata̤kwisaba. ^a

6 Cǒmaradû̌ ǒ agûla̤ cahtǐ, a hî̌bǎlò̤ ta, “He yi̤kǒ sò̌le̤sò̌lò̤ mèpa̤kè Shekewî̤.

“He glè mèpa̤po̤ bǎ Sǔkǒ galo̤to̤kû.

7 “Kǐlè̌ga mî̌ heta. Manǎshega꤮ mî̌ hetata.

“Epharega mî̌ hekhû̌glûte̤htò̌.

“Yṳ̌daga mî̌ henò̌htǒ htě a dǔlṳ heta̤shû̌ta̤sho.

8 “Mò̌bǎga mî̌ hela̤shǔbò shibataadû̌kû.

“He nohtû Edoga ta hepwa̤ma̤ta̤phû̌.

“He ma̤pè̤ Phǐlǐsatǐga akhû̌akhî, he glè kaǎguhtò̌ ta̤ma̤pè̤,” Cǒmara hî̌ hǐnu.

9 Ûpè glè cû̌sû he dě wî̤dû̌wî̤htû akû?

Ûpè glè cû̌sû he dě Edogakû?

10 Kǒ Cǒmaradû̌, na wîkèbò pa ya?

Kǒ Cǒmaradû̌, na htò̌shěhtu kû̌pe ta̤ ta pakliphû̌ toǒ tò̤ ya?

11 Kòyòhǎkhû̌phû̌ ata̤ma̤jènu abwǐsîrî ǒ nǒ dǐcǎ꤮ tò̤.

Shějè bǎdǒ pwa̤sò̌khě pa htǒotoǒ tò̤ ya.

12 Dě Cǒmaradû̌ ǒkû̌ patokho akhû̌akhî, pa glè ma̤pè̤ ta̤.

A ma̤pè̤bòkè pwa̤sò̌khě pa toǒ pě.