Psalms 100
Ta̤hî̌bwǐhî̌sîrî lî̤sò̌po̤htû̌sò̌ǐ
Ta̤hî̌bwǐhî̌sîrî ata̤sò̌po̤ htû̌sò̌ǐ.
1Kòyòhǎkhû̌phû̌ lǒ̤꤮ bò toǒ, sò̌le̤sò̌lò̤ kaǎgu htû̌sò̌ǐmò̌ Cǒmara tûjûpwa̤. 2Sò̌le̤sò̌lò̤ subusabahtò̌mò̌ Cǒmara tûjûpwa̤. Hènṳmò̌ dě alo̤mo̤, sò̌le̤sò̌lò̤ sò̌po̤ lǒkho lî̤sò̌po̤. 3Sî̌ya ta Israel acǒmara tûjûpwa̤ numî̌ Cǒmaradû̌ mè̤mè̤̌ tapwa̤. A mî̌ pwa̤ htě a bǒlò̤ pa, a htû paběcǎ. Pa mî̌ akòyò, asophû̌mṳ dě a kè̌ǐkhwè̌ǐ. 4Hî̌bwǐsîrî yǎ, nṳ dě atakhadû̌kûnu. Htû̌sò̌ǐ yǎ, nṳ dě ata̤lṳhtò̌hokûnu. Hî̌bwǐhî̌sîrîhtò̌ yǎ, htû̌sò̌ǐmò̌ ami̤. 5Cǒmara tûjûpwa̤ mî̌ awǒ, ata̤mo̤ǐ htě ahǎbòjò tò̤ htǒonu a ǒměǒgle tûjûpwa̤ talakhǎ. Ata̤cǒtè̤taayo̤ htǒonu a ǒ sělě tuhtu hto tuhtu. a
Copyright information for
KxfSCKRC