Psalms 113
Ta̤htû̌sò̌ǐ Cǒmara tûjûpwa̤ ata̤ma̤wǒ toǒ
1Htû̌sò̌ǐ Cǒmara tûjûpwa̤. Kǒ Cǒmara tûjûpwa̤ apwa̤ma̤ta̤phû̌ toǒ꤮, htû̌sò̌htò̌ mò̌. Htû̌sò̌htò̌mò̌ Cǒmara tûjûpwa̤ ami̤. 2No htû̌sò̌htò̌mò̌ kò ta Cǒmara tûjûpwa̤ ami̤, sahtò̌khònò̤ tǒ̤hè tûjûpwa̤ talakhǎ pě nî̌. 3Dě mṳhtò̌ to̤dě mṳlò̤ gûla̤ pṳ̂̌꤮ tò̤glò, htû̌sò̌ǐ Cǒmara tûjûpwa̤ ami̤. 4Cǒmara tûjûpwa̤ mî̌ a pǒǐbò khlilèphû̌ lǒ̤꤮ bò. Ata̤sîrîdû̌sîrîhtû mî̌ a htò̌yî̤khlo ta mǒkhû̌. 5Kò sǒsǒta Cǒmara tûjûpwa̤ htě pacǒmaradû̌ htǒonu aǒ dǐpwǎ̤꤮ tò̤. Kò hǎnòò̌ dě gûla̤ htò̌yî̤ sǒsǒta anu aǒ dǐpwǎ̤꤮ tò̤tò̤. 6A û̌lò̤ kè̌lò̤ mǒla̤ ta hǎkhû̌ aphwǐaphrû̌ toǒ. 7A bè̌htò̌yî̤ kòyòshuphǔshèwèphû̌ ǒ dě lo̤hǎkla. A phǒhtò̌yî̤ kòyòǒkhwè̌phû̌ ǒ dě ta̤wè̤ta̤sǒkla. 8A nohtò̌hǎnòò̌htu asî ta Khwǐphû̌ toǒ. A nohtò̌hǎnòò̌htu asî ta asîkhlilèphû̌ akhwǐphû̌ tû̌ toǒ. a 9A ǐ bǎ mamǔshodophû̌ aphû̌ali̤. A ǐ nû̌û phû̌ dě a ma̤ sò̌le̤sò̌lò̤ nû̌û. Htû̌sò̌ǐ Cǒmara tûjûpwa̤.
Copyright information for
KxfSCKRC