Psa 129 | KxfSCKRC | STEP | Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤. Sahtò̌ dě he phijaû̌pe akhanu, pwa̤sò̌khě he toǒ ma̤jîma̤jû sala̤ he. No hî̌ gesǒmò̌ Israelphû̌ lǒ̤꤮ bò toǒ khònò̤.

Psalms 129

Ta̤kwisaba ta Cǒmara glè shěpè̤kè bǎ pwa̤sò̌khě Israelphû̌

Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤.

1 Sahtò̌ dě he phijaû̌pe akhanu, pwa̤sò̌khě he toǒ ma̤jîma̤jû sala̤ he.

No hî̌ gesǒmò̌ Israelphû̌ lǒ̤꤮ bò toǒ khònò̤.

2 Sahtò̌ dě he phijaû̌pe akhanu, pwa̤sò̌khě he toǒ ma̤jîma̤jû sala̤ he.

Asî ma̤pè̤ nǒ he dǐkhò̌꤮ tò̤.

3 Pwa̤sò̌khě he toǒ po̤lè̌po̤lǒhtòbò hewa̤te̤khû̌ lò̤kèta pwa̤htělè̤ htěklonu.

4 Cǒmara tûjûpwa̤ mî̌ acǒatè̤.

Sǒpli̤ htě kòyòphû̌mò̤ toǒ coklomě he htǒonu, Cǒmara ma̤tṳkèbò bǎ he.

5 Kòyò lǒ̤꤮ bò htě a sò̌khěkhû̌khwè Sǐowî̤ toǒnu, a lò̤jû, sòwò̤gebòlè̌ tû̌ta nî̌.

6 Asî lǒ̤꤮ bò sǒsǒ tû̌ta mi̤dǒ dě gukhěkhû̌ nî̌.

Bǎ a dû̌htò̌pwa̤htò̌ hǒtò̤ akhanu, a glè nokhwekèbò.

7 Kǎ yǎ dě abe tṳ tò̤tò̤, gî yǎ dě abe tṳ̂ tò̤tò̤.

8 Kòyò htě a cû̌klè̌ bǎnu toǒ, “Cǒmara tûjûpwa̤ howi̤tû̌ta sî, pa howi̤homò̤ tû̌ sî ta Cǒmara tûjûpwa̤ ami̤,” nohî̌ pûma̤ asî pwa̤sò̌khě he toǒ hǐnu ma̤ nî̌.