Psa 137 | KxfSCKRC | STEP | Bǎ pa hǎnòò̌lò̤ dě Babuloga shilo̤mo̤dû̌ toǒ ahtunu akha, pa nǎsǔbǎ Sǐokholo dě pahǎpawo.

Psalms 137

1 Bǎ pa hǎnòò̌lò̤ dě Babuloga shilo̤mo̤dû̌ toǒ ahtunu akha, pa nǎsǔbǎ Sǐokholo dě pahǎpawo.

2 Pa jèmè̤htò̌ patǐtute̤gwe toǒ dě sǒmṳlo̤.

3 Bǎnukha, Babulophû̌ htě a pṳ̂cû̌kè panu toǒ nosò̌po̤ pa ta̤hǎta̤wo.

Pwa̤ htě a ma̤jîma̤jû panu toǒ nosò̌po̤ pa ta̤sò̌le̤sò̌lò̤ ta̤hǎta̤wo.

Asî hî̌ ta, “Sò̌po̤ bǎ pa ta̤hǎta̤wo htě sî sò̌po̤ bǎ Sǐokholonu to̤to̤.”

4 Pa cû̌ sò̌po̤jò Cǒmara tûjûpwa̤ ta̤hǎta̤wota̤sò̌po̤ dě shihǔwa̤gakhlo hî̌tè?

5 Kǒ Yerǔshèlèwî̤, he dè shope̤kè na hî̌mî̌, Cǒmara nodǒjòpe pû he ta tǐtute̤gwe ma̤ nî̌.

6 He dè shope̤kè Ye̤rǔshèlèwî̤, he dè bè̌ Yerǔshèlèwî̤ ta heta̤sò̌le̤sò̌lò̤ htě adû̌gutṳ̌ tò̤ hî̌mî̌, Cǒmara nosò̌po̤jòpe pû he ma̤ nî̌.

7 Kǒ Cǒmara tûjûpwa̤, bǎ Babulophû̌ toǒ hè ma̤pî̌kè Yerǔshèlèwî̤nu ti̤ni̤, Edogaphû̌ toǒ ma̤ kwè̌꤮ hî̌tènu, to̤ǐ nî̌.

Asî kaǎgu hî̌ lǒkho ta, “Ma̤lò̤te̤jakè yǎ, ma̤lò̤te̤jakè a dě hǎkhû̌,” to̤ǐpo̤ yo̤sǎnu. ^a

8 Kǒ Babuloga, kò ma̤pî̌kè na pě. ^b

Pwǐ na ma̤hto panu, kòyò htě a ma̤ geshǔ nanu tapwa̤ a glè sò̌le̤sò̌lò̤.

9 Kòyò htě a phî̌ naphû̌pî̌tî̌ toǒ dě a phlěsi nû̌û ta lo̤nu tapwa̤ a sò̌le̤sò̌lò̤ pě.