Psalms 146
Ta̤htû̌sò̌htò̌ǐ ta̤ma̤lû̌htò̌ge aběcǎ
1Htû̌sò̌ǐ lǒkho Cǒmara tûjûpwa̤. He htû̌sò̌ǐ Cǒmara tûjûpwa̤ ta hesò̌phlǒsamabò. 2Pwî̌ hemṳni̤mṳsa ǒnu he glè htû̌sò̌ǐ Cǒmara tûjûpwa̤. Bǎ he ǒhtûpwa̤pe akhanu, he glè sò̌po̤ htû̌sò̌ǐ hecǒmaradû̌. 3Nǎla̤ǐ lǒkho pûma̤ pwa̤htûhǐkǒlǒkòdû̌ toǒ ma̤. Kòyòhǎkhû̌phû̌ ma̤lû̌htò̌gejò sî dǐpwǎ̤꤮ tò̤. a 4Bǎ asî sikè akha pěnu, a gekhîsǒ lǒkho pwǎ dě hǎkhû̌. Ata̤yè̤lò̤nǎ toǒnu apî̌alṳ̂bò bǎnu ti̤ni̤kha pě. 5Kòyò htě Yǎ̤kò acǒmaradû̌ ma̤jè asî toǒ dě a nǎla̤ǐ pwǎ pǒ̤꤮ Cǒmara tûjûpwa̤ acǒmaradû̌ toǒnu, a nî̤bǎ ta̤howi̤. 6Mǒkhû̌hǎkhû̌, shidû̌shite̤we̤ toǒ ta ta̤ lǒ̤꤮ bò htě a ǒ ta̤htǒotoǒ akû toǒnu, a bǒlò̤bò. b A cǒtè̤ ta ayo̤ tûjûpwa̤. 7A cèròcǒcèròtè̤ bǎ kòyò htě kò ma̤jîma̤jû nû̌û toǒ aya. A ǐǎǐo bǎ pwa̤hǒwi̤sǎǎ. Cǒmara tûjûpwa̤ ma̤lû̌htò̌ kòyò lòte̤ dě apo̤kû. c 8Cǒmara tûjûpwa̤ ma̤lî bǎ gesǒ kòyò mi̤sǎkhǐ toǒ ami̤sǎ. A ma̤jè kòyò htě a sò̌phlǒpî̌sò̌phlǒlṳ̂. A mo̤ǐ kòyòcǒkòyòtè̤. 9Cǒmara tûjûpwa̤ kè̌ǐkhwè̌ǐ pwa̤htû shǐpwa̤shǐmè̤. A ma̤shû̌ma̤jo mamǔǒkhwè̌ ta phû̌ǒkhwè̌. A ma̤pî̌ma̤lṳ̂kèbò kòyòphû̌mò̤ ata̤tîwî̌tòwònǎ. 10Kǒ Sǐowî̤, nacǒmaradû̌, Cǒmara tûjûpwa̤ glè pǒǐ kòyò tuhtu hto tuhtu. Htû̌sò̌ǐ lǒkho Cǒmara tûjûpwa̤.
Copyright information for
KxfSCKRC