Psa 149 | KxfSCKRC | STEP | Htû̌sò̌ǐ lǒkho Cǒmara tûjûpwa̤. Sò̌po̤htò̌ Cǒmara tûjûpwa̤ ta ta̤sò̌po̤ asa. Htû̌sò̌ǐ yǎ dě kòyòcǒtè̤taayo̤ akòyò prṳ̂ho akla.

Psalms 149

1 Htû̌sò̌ǐ lǒkho Cǒmara tûjûpwa̤.

Sò̌po̤htò̌ Cǒmara tûjûpwa̤ ta ta̤sò̌po̤ asa.

Htû̌sò̌ǐ yǎ dě kòyòcǒtè̤taayo̤ akòyò prṳ̂ho akla.

2 Kǒ Israelphû̌ sî, pwa̤bǒlò̤ sînu tapwa̤ akhû̌akhî, sò̌le̤sò̌lò̤ lǒkho.

Kǒ Sǐowî̤phû̌ sî, sîkhwǐdû̌ akhû̌akhî, sò̌le̤sò̌lò̤ lǒkho.

3 Htû̌sò̌ǐ lǒkho ami̤ ta ta̤kalî̌.

Pla̤ cî̌ca, dǒ tǐtute̤gwe dě sò̌po̤ htû̌sò̌ǐ lǒkho yǎ.

4 Ma̤tè̤hî̌dě Cǒmara tûjûpwa̤ sò̌le̤sò̌lò̤ ǐtû̌ ta akòyò dě a ǐma̤pè̤ kòyò htě a shò̌lò̤ asò̌phlǒnu toǒ.

5 A ǐ kòyò htě a cǒtè̤tayo̤nu toǒ ta̤ma̤pè̤ akhû̌akhî, nosò̌le̤sò̌lò̤ mò̌ asî.

Asî hǎmoǒ dě la̤mi̤khû̌ akha bǎbǎ, nosò̌le̤sò̌lò̤ sò̌po̤htò̌ asî.

6 No htû̌sò̌ǐ asî dě nopṳ̂měǐ nò̌she dě asîcǔdekû. 7 Dě noma̤geshǔkè, no cèròkè khlilèphû̌ toǒ ta asînu.

8 Asî glè coklomě khlilèphû̌ akhwǐ, khlilèphû̌ ahǐkǒdû̌ toǒ ta sǒpli̤te̤htò̌ pě.

9 Asî glè cèrò khlilèphû̌ toǒ pwǐ Cǒmaradû̌ hî̌lò̤hto ayo̤.

Htǒomî̌ ta̤sîrîdû̌sîrîhtû tacǎ dě Cǒmaradû̌ akòyò lǒ̤꤮ bò htě acǒtè̤tayo̤ toǒ aya.

Htû̌sò̌ǐ lǒkho Cǒmara tûjûpwa̤.