Psa 15 | KxfSCKRC | STEP | Khwǐdǎ̤wi̤ ata̤sò̌po̤ htû̌sò̌ǐ. Kǒ Cǒmara tûjûpwa̤, ûpè tapwa̤ glè hènṳ dě na ta̤lṳhtò̌hokû pè? Ûpè tapwa̤ glè hèsabahtò̌ na dě nakholocahtǐ Sǐokholokhû̌nu pè?

Psalms 15

1 Kǒ Cǒmara tûjûpwa̤, ûpè tapwa̤ glè hènṳ dě na ta̤lṳhtò̌hokû pè?

Ûpè tapwa̤ glè hèsabahtò̌ na dě nakholocahtǐ Sǐokholokhû̌nu pè?

2 Kòyònu toǒ mî̌ kòyò htě kò bè̌jòpe nû̌û ta̤sǔ tò̤,

A ma̤ ta̤cǒta̤tè̤,

A hî̌bǎcǒhî̌bǎtè̤ yo̤ pwǐ aǒ nû̌û sò̌phlǒkûnu. ^a

3 A dǒ kòyòyo̤ dǐkhò̌꤮ tò̤,

A ma̤sǔma̤plě asû̌akho tò̤,

A ǐshoǐbě ahǐphòkòshî̌ tò̤nu toǒ hǒ. ^b

4 Htohǒtò̤ kòyò htě a wi̤ja kòyòsò̌phlǒphû̌mò̤shî̌hto dě Cǒmaradû̌ wîkè asînu toǒ,

Dě a bè̌dû̌bè̌htû kòyò htě a ǐsha ta bè̌dubè̌na̤ Cǒmara tûjûpwa̤nu toǒ, ^c

A bèlò̤hto ayo̤ ta a glè ma̤ tacǎcǎ dě apò̤asha pwî̌tè꤮ bǎbǎ a ma̤ mè̤mè̤̌ pwǐ a bèhtonu toǒ,

5 A nobǒ kû̌kò awû ta aphû̌aî̌ tò̤, ^d

Kòyòsò̌phlǒphû̌mò̤ mṳ̂ǎ nû̌û wû ta bǎ ma̤shǔ kòyò ta̤sǔǒtò̤ dě a phî̌shǔ kû̌kò tò̤. ^e

Kòyò htě ama̤ hǐnu tapwa̤nu a ǒměǒgle tûjûpwa̤ pě. ^f