Psa 23 | KxfSCKRC | STEP | Khwǐdǎ̤wi̤ ata̤sò̌po̤. Cǒmara tûjûpwa̤ mî̌ pwa̤gèǐ he sǒsǒta kò gèǐ sophû̌. Ta̤ htě he lo̤bǎ toǒnu he nî̤bǎbò.

Psalms 23

1 Cǒmara tûjûpwa̤ mî̌ pwa̤gèǐ he sǒsǒta kò gèǐ sophû̌.

Ta̤ htě he lo̤bǎ toǒnu he nî̤bǎbò. ^a

2 A ǐhǎmoǒ he dě mi̤sǒdokhû̌.

A sûcû̌ he dě shilo̤ dû̌hèsò̌do ahtu. ^b

3 A ǐshû̌htò̌shohtò̌ heta̤htûpwa̤ akhû̌ǎ.

Dě ta̤bè̌dubè̌na̤ ami̤wî̤mi̤wǒ ayanu, a sûcû̌ he ta klè̌cǒklè̌tè̤.

4 He cû̌to̤ dě ta̤khǐta̤lo̤ ta̤si ta̤hǎmǎ gûla̤ bǎbǎ, na ǒhtu kû̌ta he akhû̌akhî, he ǐsha dǐcǎ꤮ tò̤. ^c

Nanò̌po̤ ta nanò̌htǒ ma̤mo̤ǐ he.

5 Na tîwî̌tòwò lǒbe bǎ he shǎǎshǎo dě pwa̤sò̌khě he toǒ alo̤mo̤.

Na plṳ bǎ hehǐkǒ ta mòû̌shi, hebalo̤ betî̌pî̌.

6 Ta̤wî̤ta̤wǒ ta ta̤mo̤ǐ gû mè̤mè̤̌ kû̌tû̌ he dě heta̤ǒhtûpwa̤ tuhtukòyò akû pě.

He ǒ dě Cǒmara tûjûpwa̤ ahǐ tûjûpwa̤ talakhǎ pě.