Psalms 28
Ta̤kwisaba ta la̤ma̤jè aya
Khwǐdǎ̤wi̤ ata̤sò̌po̤.
1Kǒ Cǒmara tûjûpwa̤, helo̤dû̌, he kwigwèbǎǐ na. Jî koo pûma̤ nanò̌ku ma̤. Na dè dò̌tûklû̌ hî̌mî̌, he sǒsǒkè ta kòyò lòte̤nṳ dě lṳnǎkhwǎdonu. a 2Bǎ he yṳ̂htò̌to hecǔde dě na gûla̤cahtǐ htò̌yî̤gutṳ̌꤮ akhanu, gana̤de he kwigwèbǎǐhtò̌ na ta̤ma̤jè htǒo. 3Cèròhtu kû̌ pûma̤ he ta kòyòkhu kòyòhî, kòyòphû̌mò̤, kòyòsò̌phlǒphû̌mò̤shî̌hto htě a jîhî̌bǎmo̤hî̌bǎwǒshǔjò ahǐphòkòshî̌nu toǒ ma̤. b 4Ma̤geshǔ asî ta li̤ pwǐ agwa ta asî ma̤ ta̤phû̌mò̤shî̌htonu toǒ. Ma̤geshǔ asî ta li̤ pwǐ acǔde ma̤ ta̤nu. Pwǐ asî mahtonu ǐgeshǔsǒ asî ta li̤ pwǐ agwa ta asînu. c 5Asî sî̌yate̤mǎbò kû̌ Cǒmara tûjûpwa̤ ata̤ma̤ ta acǔde ata̤ma̤nu toǒ tò̤. d Hǐnudě Cǒmara tûjûpwa̤ glè cèrò asî, a glè ma̤pî̌kèbò asî tûjûpwa̤. 6Cǒmara tûjûpwa̤ gana̤de he kwihtò̌ ta̤ma̤jè akhû̌akhî, htû̌sò̌ǐ yǎ. 7Cǒmara tûjûpwa̤ mî̌ hekhû̌heǎ, hegòtò̤. He nǎla̤ǐ tû̌꤮ yǎ. A ma̤jè he dě he sò̌le̤sò̌lò̤. He glè htû̌sò̌ hî̌bwǐsîrî yǎta ta̤hǎta̤wo. e 8Cǒmara tûjûpwa̤ mî̌ ta̤khû̌ta̤ǎ ta akòyò toǒ aya. A ma̤kwaǐ, a ma̤lû̌htò̌ge akhwǐ htě a wû̌lǎnu. f 9Ma̤lû̌htò̌ge nakòyò, howi̤homò̤ naû̌cata̤bî̌. Htû tû̌ pwa̤gèǐ asî sǒsǒta kò gèǐ sophû̌ tapwa̤nu, khwè̌ǐ ma̤kwaǐwǒ tû̌ asî tûjûpwa̤ nî̌. g
Copyright information for
KxfSCKRC