Psa 53 | KxfSCKRC | STEP | Ta̤sò̌po̤ htǒomî̌ pwa̤sò̌po̤ ta̤ toǒ ahǐkǒdû̌ dě ta̤lṳhtò̌hokûnu tapwa̤ aya. Khwǐdǎ̤wi̤ ata̤sò̌po̤ htǒoto̤to̤ mî̌ Ebrephû̌yo̤nu, a kaǎ nû̌û ta Masakǐlè ta̤sò̌po̤, dě ta̤sò̌po̤ htǒoto̤to̤ mî̌ a ǐ kò ta̤sî̌yaphlǔ. Dě bǎ sò̌po̤ sǒsǒta Mahalasa ta̤sò̌po̤. Kòyònòdû̌ hî̌ lǒkho dě asò̌phlǒkû ta, “Cǒmara ǒtò̤.” Asî ta̤bè̌sò̌phlǒsǔshi mî̌ aphû̌mò̤shî̌hto, ata̤phî̌ta̤ma̤ mî̌ aphû̌mò̤shî̌hto. Dě asî klanu, a ma̤pe ta̤wǒ dǐpwǎ̤꤮ tò̤.

Psalms 53

1 Kòyònòdû̌ hî̌ lǒkho dě asò̌phlǒkû ta, “Cǒmara ǒtò̤.”

Asî ta̤bè̌sò̌phlǒsǔshi mî̌ aphû̌mò̤shî̌hto, ata̤phî̌ta̤ma̤ mî̌ aphû̌mò̤shî̌hto.

Dě asî klanu, a ma̤pe ta̤wǒ dǐpwǎ̤꤮ tò̤. ^a

2 Ma̤pûhǐ Cǒmaradû̌ sî̌ya ta kòyò htě a ǒhtûpwa̤ te̤mǎ, kòyò htě a kè̌lǎ nû̌û ǒ ya ǒtò̤ya ayanu, a ǒ dě mǒkhû̌ kè̌lò̤ kòyòhǎkhû̌phû̌. ^b

3 Pwǎ̤ta kòyò pṳ̂̌꤮ tapwa̤ cû̌pa̤bò ta Cǒmaradû̌ aklè̌.

Asî htûbò kòyòkhuphû̌mò̤ pṳ̂̌꤮ tapwa̤.

Kòyò htě a ma̤ ta̤wǒnu a ǒpe dǐpwǎ̤꤮ tò̤, bǎ toǒtapwa̤pwǎ꤮ mî̌, a ǒ tò̤. ^c

4 Cǒmaradû̌ gwè ta, “Kòyòphû̌mò̤ mî̌ a kè̌lǎsî̌ya kû̌nò kò dǐkhò̌꤮ tò̤ ya?

“Asî ěǎbò hekòyò htě a gana̤de heyo̤ sǒsǒta ǎ mû̌. ^d

“Asî kwisabahtò̌ he dǐkhò̌꤮ tò̤.” ^e

5 Ta̤sò̌gònò̤ ǐsha ǒ dǐcǎ꤮ tò̤ pwǎ̤ta asî ǐsha mè̤mè̤̌ pě.

Cǒmaradû̌ ma̤pîshîbò pwa̤sò̌khě na toǒ akhwǐakhû̌.

A wîkè asî akhû̌akhî, na ma̤sòwò̤bò asî pě.

6 He kwisaba lǒ̤sû̌lǒ̤sò̌ ta ta̤ma̤lû̌htò̌ge Israelphû̌ ayanu, a ǒ dě Sǐokholokhû̌ hèlò̤ tû̌ta pě nî̌.

Htû̌꤮ Cǒmaradû̌ kaǎgeplǒbòsǒ akòyò htě kò pṳ̂cû̌kè nû̌ûnu toǒ akhapěnu, Yǎ̤kò akhlialè sò̌le̤sò̌lò̤, Israelphû̌ mo̤sû̌mo̤sò̌ pě.