Psalms 61
Ta̤kwisaba ta ta̤ma̤kwaǐ aya
Khwǐdǎ̤wi̤ ata̤sò̌po̤ htû̌sò̌ǐ. Ta̤sò̌po̤ htǒomî̌ pwa̤sò̌po̤ ta̤ toǒ ahǐkǒlǒkòdû̌ dě ta̤lṳhtò̌hokûnu tapwa̤ aya. Bǎ sò̌po̤ ta̤sò̌po̤ htǒokhanu, bǎ dǒ nû̌û ta ta̤ǔta̤po̤ htě apli̤ǒ toǒ.
1Kǒ Cǒmaradû̌, gana̤depû heta̤kwigwèbǎǐ na. Bè̌sû̌bè̌sǎ pû bǎ heta̤kwisabahtò̌ na. 2He ǒ dě mǒkòdǎ kòshî̌ he kwigwèbǎǐ na. He sò̌phlǒshuphǔshèwè mè̤mè̤̌ dě he kwigwèbǎǐ na. Sûhtò̌mò̌ he dě lo̤ htò̌yî̤ gutṳ̌ htě kò htò̌to̤bò̌ tò̤nu tama alo̤. 3Na mî̌ he la̤ǒtûdûbǐ lò̤ta hǐhtò̌yî̤ tònòwǒ la̤ma̤kwaǐ he ta pwa̤sò̌khě he toǒ akhû̌akhî, sûhtò̌mò̌ he. 4He sò̌yṳǒ dě nahǐphû̌kû tûjûpwa̤. He sò̌yṳ ǒtûdû kû̌ dě na děgela̤. 5Kǒ Cǒmaradû̌, na gana̤de heta̤olò̤. Na ǐ he û̌cata̤bî̌ htě na glè ǐ yǎta kòyò htě a ǐsha bè̌dubè̌na̤ nanu toǒ. 6Bè̌ǒhtûpwa̤ nědû̌lahtûpo̤ khwǐ. Noǒhtûpwa̤yî̤ yǎ mṳni̤mṳsa tuhtu hto tuhtu. 7A pǒǐ tû̌ta dě Cǒmaradû̌ alo̤mo̤ tûjûpwa̤ nî̌. No ma̤kwaǐ tû̌ yǎta nata̤mo̤ǐ htě ahǎbòjò tò̤ ta nata̤cǒtè̤yo̤nu nî̌. 8Hǐnudě he glè sò̌po̤ htû̌sò̌ǐ nami̤ tûjûpwa̤. Ti̤ni̤ hto ti̤ni̤, he ma̤lǒbetû̌ heta̤olò̤ pě.
Copyright information for
KxfSCKRC