Psa 76 | KxfSCKRC | STEP | Asa ata̤sò̌po̤ htû̌sò̌ǐ. Ta̤sò̌po̤ htǒomî̌ pwa̤sò̌po̤ ta̤ toǒ ahǐkǒlǒkòdû̌ dě ta̤lṳhtò̌hokûnu tapwa̤ aya. Bǎ sò̌po̤ ta̤sò̌po̤ htǒoakhanu, bǎ dǒ nû̌û ta ta̤dǒta̤ǔ dě apli̤ǒ toǒ. Kòyò ǒ dě Yṳ̌dagakû toǒ sî̌ya lǒkho Cǒmaradû̌. Israelgaphû̌ toǒ bè̌dubè̌na̤ mè̤mè̤̌ nû̌ûmi̤.

Psalms 76

1 Kòyò ǒ dě Yṳ̌dagakû toǒ sî̌ya lǒkho Cǒmaradû̌.

Israelgaphû̌ toǒ bè̌dubè̌na̤ mè̤mè̤̌ nû̌ûmi̤.

2 Ahǐ ǒ dě Ye̤rǔshèlèwî̤.

Agûla̤ ǒ dě Sǐokholokhû̌.

3 A yǒgakèbò pwa̤sò̌khě toǒ amî̌pla̤ bǎnu tò̤glò.

A degakèbò asîgòtò̤, nò̌she ta ta̤wè̌ta̤htò.

4 Kǒ Cǒmaradû̌, naǒ dě nala̤ma̤pè̤ pwa̤sò̌khě na akholokhû̌ dě na hèlò̤nu pa kè̌shǐ mè̤mè̤̌ ta nata̤sîrîpo̤phǎ, nata̤sîrîdû̌sîrîhtû.

5 Asîkliphû̌ dě akhuaha toǒ, kò phî̌sigwikèbò asî ta̤kî̌ta̤kû̌, a sikèbò hǒ.

Asîta̤shû̌ta̤sho, ta̤cǒta̤tè̤ toǒ noǎjòpe dǐcǎ꤮ tò̤.

6 Kǒ Yǎ̤kò acǒmara, bǎ na sǎhtǎ akhanu, pwa̤dò̌ tîsî̌ ta atîsî̌ toǒ lòkhǔsibò.

7 Kǒ Cǒmaradû̌, kò bǎ ǐsha pwǎ pǒ̤꤮ na.

Bǎ na sò̌phlǒdû̌ akhanu, kò ihtǒkhòbò̌ dě nalo̤mo̤ dǐpwǎ̤꤮ tò̤.

8 Bǎ na ǒ dě mǒkhû̌ hî̌lò̤ ta glè cèrò akhanu, kòyò ǒ dě hǎkhû̌ bǎotoǒ ǐsha, pwǎpwǎ a ǒbò.

9 Bǎ na sahtò̌ cèrò hǐnu akhanu, na ma̤lû̌htò̌ge kòyò lǒ̤꤮ bò htě kò ma̤jîma̤jû nû̌û bǎ hǎkhû̌ bǎonu toǒ.

10 Na sò̌phlǒdû̌ kòyòhǎkhû̌phû̌ htǒotoǒnu, a tǐ̤꤮ ma̤htûhtò̌ wǒpo̤ bǎ kò la̤htû̌sò̌ǐ.

Kòyò htě a ǒhtûpwa̤ lû̌kè dě ta̤shěta̤pe̤ akûnu toǒ subusabahtò̌ na dě napwèdû̌pwèhtû pě.

11 Olò̤ nayo̤ toǒ ta Cǒmara tûjûpwa̤, nacǒmaradû̌ htǒonu dě ma̤lǒma̤be yǎ.

Lǒ̤꤮ bò kòyò ǒ te̤we̤lṳ̂bònû̌ûnu toǒ nophî̌hèbò asî sû dě Cǒmara aǒ, Cǒmara dě kò tobǎ ǐsha ala̤ mî̌ pǒ̤꤮ pwǎ a.

12 Cǒmara bè̌lò̤phǔkèbò Khwǐ ta Khwǐphû̌ ata̤phî̌dû̌phî̌htû ana̤.

Khwǐ bǎ hǎkhû̌ htǒotoǒ ǐshabò nû̌ûla̤.