Psa 93 | KxfSCKRC | STEP | Cǒmara tûjûpwa̤ pǒ ta̤ pwǐ Khwǐ. A kûhtò̌sǒhtò̌ ta̤sîrîdû̌ htě ashěrakha. A wò̤htò̌nṳ ta̤po̤ta̤phǎshû̌sho. A shǒ tònòmě wǒ hǎkhû̌. A guyṳ sǒsǔjò tò̤.

Psalms 93

1 Cǒmara tûjûpwa̤ pǒ ta̤ pwǐ Khwǐ.

A kûhtò̌sǒhtò̌ ta̤sîrîdû̌ htě ashěrakha.

A wò̤htò̌nṳ ta̤po̤ta̤phǎshû̌sho.

A shǒ tònòmě wǒ hǎkhû̌.

A guyṳ sǒsǔjò tò̤.

2 Nagògohtahtò̌yî̤ htǒo a ǒměǒgle děwǐkhape.

Na ǒnǎhto tûjûpwa̤ děwǐkha.

3 Kǒ Cǒmara tûjûpwa̤, shidû̌shite̤we̤ toǒ pěpǒhè, pěpǒ pi̤ti̤pṳ̂tṳ̂, pěpǒ shû̌sho mè̤mè̤̌.

4 Cǒmara tûjûpwa̤ ǒ dě mǒkhû̌ htǒotapwa̤ mî̌ ashû̌asho mè̤mè̤̌.

Ashû̌ashokhlope ta shipěpǒ pi̤ti̤pṳ̂tṳ̂, shipěpǒ bǒbè̌ hèdû̌ dě shidû̌shite̤we̤kû.

5 Cǒmara tûjûpwa̤, nata̤sû̌ta̤tòwò toǒnu aměagle, nahǐnu acahtǐ tûjûpwa̤ talakhǎ.