Psa 99 | KxfSCKRC | STEP | Cǒmara tûjûpwa̤ mî̌ khwǐ akhû̌akhî, nogònò̤gèglèbò khlilèphû̌ toǒ. A hǎnòò̌lò̤ dě gûla̤ htò̌yî̤khlo ta mǒkhû̌tanaphû̌ htě kò kaǎ nû̌û ta Rǔbe htǒo akhû̌nu akhû̌akhî, noguyṳbò hǎkhû̌tebě.

Psalms 99

1 Cǒmara tûjûpwa̤ mî̌ khwǐ akhû̌akhî, nogònò̤gèglèbò khlilèphû̌ toǒ.

A hǎnòò̌lò̤ dě gûla̤ htò̌yî̤khlo ta mǒkhû̌tanaphû̌ htě kò kaǎ nû̌û ta Rǔbe htǒo akhû̌nu akhû̌akhî, noguyṳbò hǎkhû̌tebě. ^a

2 Dě Sǐokholokhû̌ htǒo, Cǒmara tûjûpwa̤ mî̌ apo̤aphǎshû̌shokhlo kòyò.

A pǒǐbò khlilèphû̌ lǒ̤꤮ bò.

3 No htû̌sò̌htò̌bò asî ta ami̤ htě adû̌ayǒ, agwa ǐsha htǒonu. A mî̌ acahtǐ.

4 Khwǐdû̌ htǒo a sîrîshû̌ sîrîsho, na mo̤ǐ ta̤cǒta̤tè̤, na bè̌ǒhtò̌ǐ ta̤tota̤bǎ.

Na cèròto cèròbǎ, na cèròcǒ cèròtè̤ bǎ Yǎ̤kò akhlialè hǎte̤gilò̤ toǒ.

5 Htû̌sò̌htò̌mò̌ lǒkho Cǒmara tûjûpwa̤ amî̌ pacǒmaradû̌ htǒo.

Subusabahtò̌ lǒkho mò̌ dě ata̤lṳhtò̌hokû, agògohtahtò̌yî̤ lo̤mo̤nu. A mî̌ acahtǐ.

6 Mǒ̤jè ta Aro mî̌ a htû Cǒmara apwa̤lṳhtò̌ta̤.

Kòyò htě a kwisabahtò̌ nû̌û toǒ akla, Shamuělè mî̌ apa tapwa̤.

Asî kwigwèbǎǐ Cǒmara tûjûpwa̤ dě a gana̤deshǔ asîta̤kwi.

7 A hî̌lò̤ asî yo̤ dě poǒlṳkû. ^b

A mǎnǎ asî ta̤mǎlò̤ ta ta̤sû̌ta̤tòwò dě asî gana̤de jûle̤phî̌yo̤bò.

8 Kǒ Cǒmara tûjûpwa̤ amî̌ pacǒmaradû̌, na gana̤deshǔ nakòyò toǒ.

Na mî̌ Cǒmaradû̌ htě a bòlû̌ asî ta̤sǔ pwǎ̤tadě bǎ asî ma̤sǔ ta̤ akhanu na cèrò asî.

9 Htû̌sò̌ǐ lǒkho Cǒmara tûjûpwa̤, htě amî̌ pacǒmaradû̌.

Subusabahtò̌ yǎ dě akholocahtǐkhû̌.

Cǒmara tûjûpwa̤, pacǒmaradû̌ htǒo mî̌ acahtǐ.