Mark 12:18-27
Kò gwè Ye̤shǔ ta ta̤si htûpwa̤gesǒ
(Matěo 22:23-33; Lǔka 20:27-40)
18Sadugè̌phû̌ sîtoǒ la̤klo hî̌ lǒkho ta kò sihtonu kò htûpwa̤gejòpe dǐkhò̌꤮ tò̤ hǐnu. Dě asî hè Ye̤shǔ ǒ dě gwè nû̌û, a 19“Saradû̌꤮, Mǒ̤jè khwè̌lò̤ ta̤mǎlò̤ tûmû ta paya dě a hî̌, kòyò tapwa̤pwa̤ dè sikè amala̤, dě aphû̌ dè ǒkè dǐpwǎ̤꤮ tò̤ hî̌nu, ma̤pûhǐ akhlialè ǒkè nudě, a pṳmakhû bǎ phî̌sǒ akhi ǒkèhtǒo, a hî̌ hǐnu. b 20Taplǎnu pṳ ta wè̤ makhû ǒ susǒtapwa̤. A wè̤pwa̤lǒ tapwa̤ phî̌ ama dě, bǎ a sikè akhanu aphû̌ ǒkè dǐpwǎ̤꤮ tò̤. 21Dě apṳ ahǒla̤ tapwa̤ phî̌ gesǒ akhihtǒonu a sikèpo̤ dě aphû̌ali̤ ǒkè dǐpwǎ̤꤮ tò̤. Apṳ supwa̤tapwa̤nu a htûhtò̌ sǒsǒbò hǐnu. 22Pṳtawè̤ susǒtapwa̤ htǒonu, a htûhtò̌ sǒsǒbò nû̌û hǐnu, dě asî htǒo susǒtapwa̤ nî̤jûbò nû̌û ama dǐpwǎ̤꤮ tò̤ dě a sikèbò, aphû̌ǒkè lǒkho dǐpwǎ̤꤮ tò̤ dě gutṳ̌lò̤ mamǔ htǒtapwa̤ si kû̌po̤kè nû̌ûkò. 23Hǐnudě htû̌꤮ kò si htûpwa̤gesǒ amṳni̤ pě ti̤ni̤nu, Mamǔ htǒotapwa̤ glè htû bǎtè tapwa̤ ama pěpè. Ma̤tè̤hî̌dě asî pṳtawè̤ susǒtapwa̤ nî̤jûbò nû̌û mamǔ htǒotapwa̤ pwǎ꤮.” 24Ye̤shǔ hî̌shǔ asî, “Sî yṳǎsǔbòkè hǒ, sî sî̌ya te̤mǎ kû̌kò lî̤cahtǐ ta Cǒmara a ta̤po̤ta̤phǎ ma̤jòta̤ toǒ tò̤. 25Ma̤tè̤hî̌dě htû̌꤮ kò sihtûpwa̤gesǒ pěnu kò phî̌phû̌phî̌ma, kò phî̌phû̌phî̌wṳ̂ ǒpetò̤, asî sǒsǒbò pwǐ mǒkhû̌tanaphû̌nu toǒ pě. 26Mǒ̤jè khwè̌mǎnǎ ta̤htûpwa̤gesǒ awi̤akè̌ dě a lî̤běkû bǎ mî̌gè joji ta̤dǒnènu to̤to̤, he gènè̤ ta sî dǒbǎhto hǒ. Bǎ lî̤kûnu, Cǒmara hî̌ Mǒ̤jè hî̌tè dě, ‘He mî̌ Pha Abraham a Cǒmara, Isǎko a Cǒmara, ta Yǎ̤kò a Cǒmara,’ c Mǒ̤jè khwè̌lò̤ hǐnu. 27Cǒmara mî̌ kòyòsi toǒ a Cǒmara mè̤tò̤, kòyò htûpwa̤ toǒ a Cǒmara. Sî yṳǎsǔbò mṳ̂tî̤glîkè hǒ,” a hî̌ Sadugè̌phû̌ sîtoǒ hǐnu.
Copyright information for
KxfSCKRC