Mar 4:21-25 | KxfSCKRC | STEP | Htodě Ye̤shǔ hî̌ asî, “Sî phî̌nṳ mî̌ko hǐdǒkû dě sî nṳdǎ yǎ dòjola̤ ya? Tò̤hî̌kǎlè̌ sî nṳdǎ yǎdě la̤wa̤ ala̤ ya? Mî̌ sî dǎhtò̌ yǎ mî̌kowa̤khû̌ mè̤tò̤ya?

Mark 4:21-25

Yo̤sǎkhěkhǒ ta dǎ mî̌ko awi̤akè̌

(Lǔka 8:16-18)

21 Htodě Ye̤shǔ hî̌ asî, “Sî phî̌nṳ mî̌ko hǐdǒkû dě sî nṳdǎ yǎ dòjola̤ ya? Tò̤hî̌kǎlè̌ sî nṳdǎ yǎdě la̤wa̤ ala̤ ya? Mî̌ sî dǎhtò̌ yǎ mî̌kowa̤khû̌ mè̤tò̤ya? ^a 22 Ta̤ bè̌hǔbè̌jo lǒ̤꤮ bò toǒnu, kò dǔlṳhtò̌bò yǎ pě. Lǒ̤꤮ bò ta̤htě kò sî̌yaphlo tò̤ khònò̤ toǒnu, kò sî̌yaphlobò yǎ htû̌꤮ anǒkòpě. ^b 23 Ta̤ htě sî gana̤de yǎ khònò̤ htǒotoǒnu sî to bè̌dubè̌na̤ yǎ.”

24 Htodě a hî̌po̤ asî, “Gana̤de te̤mǎ lǒkho he ta̤hî̌bǎhtǒo. Na dè gana̤de te̤mǎ ta̤ hǐnumî̌, Cǒmara ǐ na ta̤sî̌yaphlo pě, htohǒtò̤ a nosî̌ya dû̌khlopo̤ na pě. ^c 25 Kòyò htě ataǒnǎ pwî̌꤮ tè bǎbǎ, Cǒmara ǐ dû̌po̤ nû̌û pě, pwǎ̤ta kòyò htě ata ǒtò̤ tapwa̤nu, ata ǒpwǎ tîkî̌phû̌pwǎ bǎbǎ, Cǒmara phî̌kèbò po̤ nû̌ûta pě.” ^d