Mar 9:42-48 | KxfSCKRC | STEP | “Kòyò tapwa̤pwa̤ dè noma̤sǔ phijaû̌pî̌tî̌gutṳ̌ htě a yṳǎ he htǒotoǒ akla tapwa̤pwa̤ hî̌nu, co shǔtò̤la̤wi̤lo̤dû̌ a gobolo̤nu dě wîlò̤te̤kè yǎ shidû̌shite̤we̤kû numî̌ awǒkhlope nû̌ûya.

Mark 9:42-48

Kòyò htě a ma̤sǔ phijaû̌phû̌

(Matěo 18:6-9; Lǔka 17:1-2)

42 “Kòyò tapwa̤pwa̤ dè noma̤sǔ phijaû̌pî̌tî̌gutṳ̌ htě a yṳǎ he htǒotoǒ akla tapwa̤pwa̤ hî̌nu, co shǔtò̤la̤wi̤lo̤dû̌ a gobolo̤nu dě wîlò̤te̤kè yǎ shidû̌shite̤we̤kû numî̌ awǒkhlope nû̌ûya. 43 Na cǔde dè noma̤ na ta̤sǔ hî̌dě pe̤tṳkè yǎnu. Na cǔdetṳ tokho dě na geginṳbò̌ mǒkhû̌nu, awǒkhlope ta na cǔde ǒpṳ̂̌bò ginǐ̤kho. Na geginṳ dě mǒkhû̌ ta na cǔdetṳ htǒotokho pwǎnu, awǒkhlope ta na cǔde ǒpṳ̂̌bò ginǐ̤kho dě na lò̤te̤ ngariǒkû htě mî̌ pi̤jòpe dǐkhò̌꤮ tò̤ htǒonu akû. ^a 44 (Bǎnu tò̤glò pěnu lǒgwa glè ǎ asî yî̌ dě lǒgwa htǒotoǒnu a sipè̤tò̤ dě mî̌ htě a gè asî htǒonu, a pi̤pè̤pe dǐkhò̌꤮ tò̤.) ^{▼▼Kò khwè̌ lî̤phě dě꤮ nukha toǒǒnu, lî̤cahtǐ aglòpî̌tî̌ htǒotòkrònu a ǒpa tò̤} 45 Na khò̌lopo̤ dè noma̤sǔ na hî̌dě pe̤tṳkè yǎnu. Na nṳ dě mǒkhû̌ ta na khò̌lopo̤tṳ htǒotokho pwǎnu, awǒkhlope ta na khò̌lopo̤ ǒpṳ̂̌bò ginǐ̤kho dě kò wîlò̤te̤kè na ngariǒkû akû htǒonu. 46 (Bǎnu tò̤glò pěnu, lǒgwa glè ǎ asî yî̌ pě dě lǒgwa htǒotoǒnu a sipè̤ dǐkhò̌꤮ tò̤ dě mî̌ htě a gè asî htǒonu, a pi̤pè̤pe dǐkhò̌꤮ tò̤.) ^{▼▼Kò khwè̌ lî̤phě dě nukha toǒǒnu, kò kè̌shǐ lî̤cahtǐ htǒonu ǒpa tò̤} 47 Nami̤sǎ dè noma̤ na ta̤sǔ hî̌dě cîwîhtò̌kè yǎ dě wîkè yǎnu. Nami̤sǎ ǒpwǎ tokho pa dě na geginṳbò̌ mǒkhû̌nu awǒkhlope ta nami̤sǎ ǒpṳ̂̌bò ginǐ̤kho dě kò bǎ wîlò̤te̤kè na ngariǒkû pěnu. ^d 48 Bǎnu tò̤glò pěnu,

‘Lǒgwa glè ǎ asî yî̌ pě dě lǒgwa htǒotoǒnu, a sipè̤ dǐkhò̌꤮ tò̤. Mî̌ htě a gè asî htǒonu, a pi̤pè̤pe dǐkhò̌꤮ tò̤.’ ^e