Mat 12:9-14 | KxfSCKRC | STEP | Běcǎ Ye̤shǔ hǎhtò̌cû̌kè bǎ hǔklakhû̌ nudě a cû̌nṳ Yṳ̌daphû̌ ta̤sabahǐkû.

Matthew 12:9-14

Kòyò cǔdesi tokho tapwa̤

(Mǎ̤riko 3:1-6; Lǔka 6:6-11)

9 Běcǎ Ye̤shǔ hǎhtò̌cû̌kè bǎ hǔklakhû̌ nudě a cû̌nṳ Yṳ̌daphû̌ ta̤sabahǐkû. 10 Dě bǎ ta̤sabahǐkûnu, kòyò cǔgosi tokho ǒ tapwa̤. Pharisè̌phû̌ htě a sò̌yṳ kè̌lǎ Ye̤shǔ ta̤sǔ toǒnu a ǒ toǒ dě a gwè nû̌û, “Bǎ mṳni̤dǔ akha, dè ma̤bǎ kòyò ta̤sha tapwa̤pwa̤ hî̌numî̌, anî̤ pwǎ Yṳ̌daphû̌ a ta̤sû̌ta̤tòwò hî̌ hǐnu ya?”

11 A hî̌ asî, “Kòyò tapwa̤pwa̤ asophû̌ dè lò̤te̤ ǒtò̤ dě hǎkû bǎ mṳni̤dǔ akhanu hî̌dě, sî cû̌ cǐhtò̌ yǎ pě ya? Mî̌ tò̤ ya? ^a 12 Kòyò tapwa̤nu a le̤dû̌pwî̤htû khlope ta sophû̌ tado pwî̌꤮ tè. Hǐnudě, bǎ Yṳ̌daphû̌ a mṳni̤dǔ akhanu, ma̤ta̤wǒ mî̌ anî̤ pwǎ.”

13 Dě a hî̌ kòyò cǔgosi tokho htǒotapwa̤, “Yṳ̂htò̌ na cǔgosinu tokho,” A yṳ̂htò̌ dě ata wǒge sǒsǒta a cǔgowǒnu tokho. 14 Pò̤̌ta Pharisè̌phû̌ toǒ hǎhtò̌cû̌ tephekè dě asî cû̌ǒhtuhî̌bǎplǒ kè̌khînû̌û ta tobǎ ma̤si Ye̤shǔ hî̌tènu awi̤akè̌.