1Th 1 | KxfSCKXF | STEP | Pa mî̌ Khûpò̌lǔ, Khûshǐla, Kû̌ Khûtîmôte. Pa wě̤cû̌ wô̤̌wô̤̌ lû̌ lî̤hǒtôbǎ dǒ sî Tîsalònǐ ta̤dòkû phû̌ tokhlǒ a ô̌. Sî Tîsalònǐ ta̤dòkûphû̌ tokhlǒ mî̌ pha Cǒmara kû̌ Běcǎ Yeshǔ Khrǐ a kòyò tokhlǒ hǒ. Ta̤bwǐta̤sîrî kû̌ ta̤gûjû̌kabǎ ô̌cu pû kû̌ sî nî̌.

1 Thessalonians 1

1 Pa mî̌ Khûpò̌lǔ, Khûshǐla, ^{▼▼dǒ Grěyô̤̌ mî̌ a hî̌ kû̌ “Khûshǐlabanu”} Kû̌ Khûtîmôte. Pa wě̤cû̌ wô̤̌wô̤̌ lû̌ lî̤hǒtôbǎ dǒ sî Tîsalònǐ ta̤dòkû phû̌ tokhlǒ a ô̌.

Sî Tîsalònǐ ta̤dòkûphû̌ tokhlǒ mî̌ pha Cǒmara kû̌ Běcǎ Yeshǔ Khrǐ a kòyò tokhlǒ hǒ. Ta̤bwǐta̤sîrî kû̌ ta̤gûjû̌kabǎ ô̌cu pû kû̌ sî nî̌.

Tîsalònǐ ta̤dòkûphû̌ tokhlǒ a ta̤ô̌htûpwa̤ kû̌ a ta̤yṳ̌ta̤nǎ̤

2 Bǎ pa kwicaba dǒ sî lǒ̤bò aya akhanu, pa hî̌bwǐhî̌sîrî Cǒmara pṳ̂̌꤮ taplǎ. 3 Dǒ sî ta̤yṳ̌ta̤nǎ̤ akhû̌akhî, sî ma̤ htûhtò̌, dǒ sî ta̤mô̤ǐ kòyò akhû̌akhî, sî gû̌ma̤ ta̤, dě dǒ sî ô̌ kû̌ ta̤kè̌shuǐ dǒ pa Běcǎ Yeshǔ Khrǐ alô̤ akhû̌akhî, sî khòsǎdôbò̌ ta̤ma̤jî̌ma̤jû̌ sî tokhlǒ. Bǎ pa kwicaba dǒ papha Cǒmara ô̌ akhanu, lǒ̤bò sî ma̤ta̤ tokhlǒnu, pa shôpe̤nǎ pè̤̌pe tô̤̌.

4 Pṳ̌wè̤̌ dǒ Cǒmara mô̤ǐ sî, pa sî̌ganǎ̤ kû̌ sî mî̌ kòyò dǒ Cǒmara rû̌htò̌ǐ sîtokhlǒ hǒ. 5 Ma̤titèhî̌dě pa phî̌hè bǎ sî ta̤sǎlě̤we̤kè numî̌ tǒ̤pwǎ pa khû̌phě a ta̤hî̌bǎnu mè̤̌tô̤̌. Ta̤sǎlě̤we̤kè numî̌, a ô̌ kû̌ a ta̤siwi̤sòwò̤, a ô̌ kû̌ Yôla Plò̌shǐ Běcǎ, a ô̌ kû̌ ta̤yṳ̌ǎ bòmǔtegle ta̤sǎlě̤we̤kè a ta̤tě̤ta̤mè̤̌ tokhlǒ. Dě bǎ pa ô̌cu kû̌ sî akhanu, pa mî̌ kòyò hî̌tè tokhlǒ numî̌, sî sî̌ganǎ̤ hto tûû̌ hǒ. Hǒnumî̌ pa ô̌htûpwa̤ bǎ sî lǎ̤nǐ̤bwǐ nǐ̤sîrî aya pwǎ. 6 Sî kè̌lû̌ pa kû̌ Běcǎ dě kòyò ma̤jî̌ma̤jû̌ jî̌ sî, bǎbǎkǎlè sî sǎlě̤sǎlò̤ phî̌shěshu ta̤sǎlě̤we̤kè. Bǎ sî phî̌shěshu ta̤sǎlě̤we̤kè akhanu, Yôla Plò̌shǐ Běcǎ ma̤ sǎlě̤sǎlò̤ bǎ sî hǒ. ^b 7 Pô̤̌nudě sî htûhtò̌ hto kòyò dǒ a yṳ̌nǐ̤nǎ̤nǐ̤ Khrǐ dǒ a ô̌ bǎ Mèsidûnǐ̤ya gǎkû nutokhlǒ kû̌ Akheya gǎkû nutokhlǒ alǎ̤kè̌lû̌ hǒ. 8 Ma̤titèhî̌dě Běcǎ a ta̤sǎlě̤we̤kè dǒ sî shôbǐǐlṳ̌ bǎ kòyònu, a lṳ̌ cû̌tǒ̤pwǎ dǒ Mèsidûnǐ̤yagǎ kû̌ Akheyagǎkûnu mè̤̌tô̤̌. Sîwe̤ sîkè dǒ sî yṳ̌nǐ̤nǎ̤nǐ̤ Cǒmara awe̤akènu, a lṳ̌peshe cû̌tǒ̤ bò kèhto dǒ gûlǎ̤ pṳ̂̌꤮ tûkû hǒ. Pô̤̌nudě sî ta̤yṳ̌ta̤nǎ̤ awe̤akènu pa lǎ̤lṳ̂ shôbǐǐ lṳ̌bǎ kòyò tôpwa̤ tô̤̌. 9 Bǎ pa hè ô̌lè kû̌ sî akhanu, sî kaǎmô̤shǔ lô̌khô pa hî̌tènu, lǒ̤bò kòyò ô̌ bǎnu tokhlǒ shôbǐǐ bǎ bò pa hǒ. A shôbǐǐ bǎ pa kû̌ pô̤̌khô sî gǔ ma̤ Cǒmara dǒ a htûpwa̤ dě acǒatè̤ mè̤̌mî̌ca nutôpwa̤ a ta̤ma̤nu, sî wîkèbò sî ta̤caba ta̤yô̤ta̤gî̌ tokhlǒ. 10 Htodě Cǒmara aphû̌khû Yeshǔ dǒ apha ma̤ ihtǒ htûpwa̤ getîkhî sô̌ lû̌û dǒ ta̤si tôpwa̤ gǔ hèlò̤ sô̌, hǒtôpwa̤ a ô̌ dǒ mǒkhû̌ hèlò̤ pěnu sî ô̌pǒ̤kè̌shuǐ lô̌khô hî̌tènu asî hî̌ lǒ̤bò bǎ pa. Yeshǔ mî̌ pwa̤ ma̤hǎplǎge pa kû̌ Cǒmara a ta̤sǎphlǒdû̌ dǒ a gǔ cî̌htò̌ kòyò pěnu tôpwa̤ a cǔdekû hǒ.