Eph 6:13-17 | KxfSCKXF | STEP | Pô̤̌nudě, dǒ ta̤pò̤̌ta̤sha alṳmṳ̌ni̤ hètǒ̤ pě akhanu, pô̤̌khô sî gǔ ihtǒ tònò showô̌ pû, kǎtô̤̌ dǒ sî shěpě̤ pô̌hto pěnu, sî gǔ lò̤jû̌ tô̤̌nu dě kûsô̌htò̌bò lô̌khô Cǒmara a ta̤wè̤̌ta̤htò nutokhlǒ.

Ephesians 6:13-17

13 Pô̤̌nudě, dǒ ta̤pò̤̌ta̤sha alṳmṳ̌ni̤ hètǒ̤ pě akhanu, pô̤̌khô sî gǔ ihtǒ tònò showô̌ pû, kǎtô̤̌ dǒ sî shěpě̤ pô̌hto pěnu, sî gǔ lò̤jû̌ tô̤̌nu dě kûsô̌htò̌bò lô̌khô Cǒmara a ta̤wè̤̌ta̤htò nutokhlǒ. 14 Pô̤̌nu akhû̌akhî, ihtǒ tònò showô̌ lô̌khô sînǎ̤. È̌htò̌mò̌ Cǒmara a ta̤tě̤ta̤mè̤̌nu dǒ asô̌sô̌kû̌ sî è̌htò̌mě dǒ sî sǎtô̤̌ dǒ sè̌kònu nî̌꤮. ^a Kûsô̌htò̌ ta̤tě̤ta̤mè̤̌ ta̤cǒta̤tè̤ pô̤̌ sî kûsô̌htò̌ jetě̤htò̌ dǒ a gǔ takabǐ sînǎ̤ nunî̌. ^b 15 Sô̌sô̌kû̌ kliphû̌ tîwî̌tòwò dò̌htò̌ nǎ lô̌khô a khò̌phě tûplû̌ dǒ a hǎhtò̌cû̌ ayanu, tîwî̌tòwò nǎ lô̌khô sînǎ̤ kû̌ ta̤sǎlě̤we̤kè dǒ a ǐ sî ta̤pè̤̌ta̤dû nunî̌. ^c 16 Htokhôtô̤̌, asô̌sô̌kû̌ sî pṳ̂̌mě lǎ̤taka dǒ lǎ̤tòdòbǐ tě̤tṳ shěshunu, tûlû̌ pṳ̂̌mě ǐ wô̌ lô̌khô sî ta̤yṳ̌ta̤nǎ̤ dǒ a gǔ ma̤pǐ̤ shěshukè khînǎ mî̌u aplǎ̤ dǒ a khǎ hèbǎ sî nutokhlǒ nî̌꤮. 17 Sî̌ganǎ̤ tě̤tě̤mè̤̌mè̤̌ lô̌khô ta̤ma̤hǎplǎge awe̤akè dǒ Cǒmara ma̤ bǎ hto sî dǒ asô̌sô̌kû̌ sî glû̌htò̌ khû̌glû̌tě̤htò̌ dǒ a gǔ taka tě̤tṳ bǎ sînu. Htokhôtô̤̌ pṳ̂̌měǐ Yôla Plò̌shǐ Běcǎ adòdǔ dǒ Cǒmara alě̤ayô̤̌ nunî̌. ^d