Gen 17:10-14 | KxfSCKXF | STEP | Ta̤wṳ̂̌dò dǒ na kû̌ nakhlinalè lò̤ dǒ nô̌kò tokhlǒ tôbǎ pṳ̂̌mětegle mî̌titè hî̌dě, sîkhlisîlè akla pwa̤khû tokhlǒnu, a tôbǎ dǔsîlǐbě pṳ̂̌꤮ tôpwa̤ pě.

Genesis 17:10-14

10 Ta̤wṳ̂̌dò dǒ na kû̌ nakhlinalè lò̤ dǒ nô̌kò tokhlǒ tôbǎ pṳ̂̌mětegle mî̌titè hî̌dě, sîkhlisîlè akla pwa̤khû tokhlǒnu, a tôbǎ dǔsîlǐbě pṳ̂̌꤮ tôpwa̤ pě. ^a 11 Sî bǎ dǔsîlǐbě, dě ta̤dǔsîlǐbě numî̌ a dǔlè̌lṳ̌ kû̌ sî kû̌ he ta̤wṳ̂̌dò ta̤ma̤mǎnǎ tôcǒ hǒ. ^b 12 Lǒ̤bò pwa̤khû dǒ sîkhlisîlè akla a lò̤tutṳ̌ tôhtu hto tôhtu tokhlǒnu, a kè̌ behtò̌ ni̤lǐ̤sô̌ hî̌dě a bǎ dǔsîlǐbě. Dě kòyò dǒ a ô̌phijǎlò̤ bǎ sîhǐdǒkû nutokhlǒ bǎbǎ, sîkhlilè mè̤̌tô̤̌ nutokhlǒ bǎbǎ, shilǎ̤gǎkhlophû̌ pwǎ bǎbǎ sî pwî̤ ge asî kû̌ ru pô̤̌ jû̌ nutokhlǒ bǎbǎ, asî bǎ dǔsîlǐ bò bě pṳ̂̌꤮ tôpwa̤. ^c 13 Jû̌pwa̤khû dǒ a ô̌phijǎlò̤ dǒ sîhǐdǒkû tokhlǒnu bǎbǎ, sî pwî̤ge asî kû̌ ru nutokhlǒ bǎbǎ, kòyò bǎ dǔsîlǐ bò bǎ asîbě. Sî kè̌ ma̤ pô̤̌nudě he ta̤wṳ̂̌dò nî̌ a ma̤mǎnǎ dǒ sîphěsîyî̤̌lô̤ hǒ, dě a dǔlṳ̌htò̌ kû̌ ta̤wṳ̂̌dò nî̌ a ô̌měô̌gle tûjû̌pwa̤ hǒ. 14 Pwa̤khû tôpwa̤pwa̤ dǒ a dǔsîlǐbě tô̤̌ nutokhlǒ mî̌ a ma̤pî̌kè heta̤wṳ̂̌dò akhû̌akhî bǎ phî̌hǎhtò̌kè ami̤ dǒ akhôkòyò akla.”