Gen 6:13-22 | KxfSCKXF | STEP | Cǒmaradû̌ hî̌ Phanṳ̂̌a kû̌, “He bè̌lò̤ he sǎphlǒ kû̌ he gǔ cî̌htò̌ ma̤pî̌kè bò kòyòhǎkhû̌phû̌ pṳ̂̌ tôpwa̤ pě. Ma̤titèhî̌dě hǎkhû̌nu alǒbebò kè kû̌ ta̤phû̌mò̤̌shǐhtô hǒ. Ma̤titèhî̌dě dǒ asî akhû̌akhî, he gǔ ma̤pî̌kè bò asî sadakû̌ hǎkhû̌ pě.

Genesis 6:13-22

13 Cǒmaradû̌ hî̌ Phanṳ̂̌a kû̌, “He bè̌lò̤ he sǎphlǒ kû̌ he gǔ cî̌htò̌ ma̤pî̌kè bò kòyòhǎkhû̌phû̌ pṳ̂̌ tôpwa̤ pě. Ma̤titèhî̌dě hǎkhû̌nu alǒbebò kè kû̌ ta̤phû̌mò̤̌shǐhtô hǒ. Ma̤titèhî̌dě dǒ asî akhû̌akhî, he gǔ ma̤pî̌kè bò asî sadakû̌ hǎkhû̌ pě. 14 Dě phî̌ mò̌ sǒlǎhǐ ^{▼▼kòyò ma̤ sǒkhlidû̌ kû̌ sǒ mî̌titènu kò sî̌ganǎ̤ tě̤tě̤mè̤̌mè̤̌ tôpwǎ̤ tô̤̌.} Dě ma̤htò̌mò̌ kû̌ sǒkhlidû̌ nunî̌. Ma̤tě̤tṳ kû̌ dǒdǎ tôtô̤̌ kû̌ tôtô̤̌ dě plṳ̌bǐ bò akûkû akhlokhlo kû̌ sǒcònu nî̌. 15 Ma̤dû̌ yǎ pwǐtè hî̌dě, ma̤htû yǎ aplǎ̤ suya̤. Ma̤lè̤̌ yǎ aplǎ̤ yè̤̌shi dě ma̤htò̌yô̤̌ yǎ aplǎ̤ sushi nî̌. 16 Na bǎ ma̤bǐ gukhû̌, agukhû̌ kû̌ dǒdǎ aplǎkûnu bè̌kè a tôplǎ̤ nî̌. Dǒ awě̤pa̤nu dǐô̌ takha tôbǎ dě ma̤ htò̌ yǎ su tô̤̌ dě ma̤htò̌ yǎ alǎ̤ tôtô̤̌, aklǎmakû tôtô̤̌ kû̌ akhû̌ tôtô̤̌ nî̌. 17 He no dû̌htò̌ shi dǒ hǎkhû̌nu pě dě he gǔ ma̤pî̌kèbò ta̤ dǒ a ô̌ bǎ mǒlǎ̤ tokhlǒ pě. Lǒ̤bò ta̤ dǒ a ô̌ bǎ hǎkhû̌ tokhlǒnu a gǔ si kèbò pě. ^b 18 Bǎbǎkǎlè he gǔ ma̤měma̤gle he ta̤olò̤ kû̌ na pě. Kaǎnṳ̌ naphû̌ pwa̤khû tokhlǒ kû̌ nama, dě kaǎnṳ̌ nadè̌ nutokhlǒ dě nṳ̌ lô̌khô dǒ sǒkhlidû̌kû nunî̌. ^c 19 Pô̤̌khô lǒ̤bò ta̤phû̌ta̤wè̤ tokhlǒ gǔ ô̌htûpwa̤ sělě pô̤̌ lô̌khô ayanu, pṳ̂̌nṳ̌ sûkhû̌ amǒ̤ kû̌ apha tôcǒ mî̌ tôphû̌ bǎ sǒkhlidû̌kû nunî̌. 20 Lǒ̤bò htû̌ kû̌ htû̌lǐ̤, ta̤phû̌ta̤wè̤ kû̌ ta̤phû̌ta̤wè̤ akhli, ta̤phû̌ta̤wè̤ dǒ adû̌dû̌ apî̌tî̌tî̌ nutokhlǒ akhli kû̌ akhli gǔ hèpabò dǒ naô̌ pě dě pô̤̌khô a gǔ htûpwa̤ sělě pô̤̌ ayanu dě pṳ̂̌nṳ̌ amǒ̤ tôbǎ apha tôbǎ nî̌꤮. 21 Phî̌nṳ̌ plǒbò nalǎ̤ǎlǎ̤wè̤ pṳ̂̌tocǒ kû̌ ta̤phû̌ta̤wè̤ lǎ̤ǎlǎ̤ô pṳ̂̌tocǒ nî̌꤮.”

22 Htodě Phanṳ̂̌a gû̌ma̤ pô̤̌ Cǒmaradû̌ mǎnǎnu pṳ̂̌tocǒ.