Hebrews 11:17-19
17Bǎ Cǒmara ma̤kè̌kè̌ PhaAbraha akhanu, dǒ ata̤yṳ̌ akhû̌akhî, a lṳhtò̌ aphû̌khû KhûIsè̌. A nǐ̤bǎ Cǒmara a ta̤olò̤ bǎbǎ a ô̌ tîwî̌tòwònǎ dǒ a gǔ lṳhtò̌ aphû̌khû dǒ a ô̌pwǎ tôpwa̤ nô̤̌nu tôpwa̤. a 18Cǒmara hî̌ lû̌û kû̌, “He olò̤ kû̌ nakhlinalè tokhlǒnu a gǔ hèlò̤ tutṳ̌ dǒ KhûIsè̌ a ô̌ pě.” b Bǎbǎkǎlè PhaAbraha ô̌ tîwî̌tòwò dǒ a gǔ lṳhtò̌ aphû̌khû dǒ a ô̌ pwǎ tôpwa̤ nô̤̌nu tôpwa̤. 19PhaAbraha gènè̤ kû̌ Cǒmara gǔ ma̤htûpwa̤ getîkhî bò̌ pwǎ KhûIsè̌ pô̤̌nu. Kè̌ hî̌ mè̤mè̤̌ mî̌ a sô̌sô̌ kû̌ a nǐ̤bǎ getîkhî aphû̌khû dǒ ta̤si akû hǒ, ma̤titèhî̌dě Cǒmara kè̌ hî̌ tě̤tṳ lû̌tô̤̌ hî̌nu, a gǔ ma̤si mè̤mè̤̌ pwǎ aphû̌khû pwǎ.
Copyright information for
KxfSCKXF