Hebrews 7:17-21
17Ma̤titèhî̌dě lî̤plò̌shǐkû hî̌ kû̌, “Na htû pwa̤shû̌gǎ tûjû̌pwa̤ dǒ asô̌sô̌kû̌ Malakhǐsedè̌ nupě” a a hî̌ pô̤̌nu. 18Pô̤̌nu akhû̌akhî, ta̤sû̌ta̤tòwò ali̤nu, kòyò bè̌tephekè a ma̤titèhî̌dě a khû̌shiǎjǎ dě a ma̤jè̌bò̌ pa tô̤̌. 19Khûmṳ̂shě a ta̤sû̌ta̤tòwònu a ma̤cǒma̤tè̤ jò kòyò tôpwǎ̤꤮ tô̤̌. Bǎbǎkǎlè khònò̤̌ pa ta̤kè̌shuǐ klè̌ asa tôbô dǒ awô̌khlo pe kû̌ ta̤sû̌ta̤tòwònu a ô̌ hǒ. Dě pa hènṳ̌phǔ dǒ Cǒmara a ô̌ kû̌ klè̌ asa nutôbô mî̌ anǐ̤ hǒ. 20Cǒmara wṳ̂̌dòlò̤ hto ayô̤̌ kû̌ Yeshǔ gǔ htû pwa̤shû̌gǎ tûjû̌pwa̤ pě. Bǎbǎkǎlè bǎ Le̤wǐ khlilèphû̌ tokhlǒ htû pwa̤shû̌gǎ akhanu, a wṳ̂̌dò ayô̤̌ kû̌ asî pô̤̌nu tômṳ̂̌꤮ tô̤̌. 21Bǎbǎkǎlè, Cǒmara hî̌ Yeshǔ kû̌, “Běcǎ wṳ̂̌dòlò̤hto ayô̤̌ dě a hî̌khô̌ tèplè̌ petô̤̌, dě a hî̌ kû̌, ‘na gǔ htûhtò̌ pwa̤shû̌gǎta̤ tûjû̌pwa̤ pě,’” b bǎ Yeshǔ htò̌ htû pwa̤shû̌gǎ akha, Cǒmara hî̌ lû̌û pô̤̌nu.
Copyright information for
KxfSCKXF