Luke 10:25-28
Ta̤dô̌nè khěkhô̌ Shamarǐphû̌ dǒ awô̌ tôpwa̤ awe̤akè
25Tôplǎnu, pwa̤sû̌ǐ ta̤sû̌ta̤tòwò asara tôpwa̤ ihtǒ dě a sǎyṳ hè gwè̌takǎ Yeshǔ a ta̤sî̌jò̌ tokhlǒ kû̌, “Sara, pô̤̌khô he gǔ nǐ̤bǎ yôla htûpwa̤ tûjû̌pwa̤ ayanu, he tôbǎ ma̤kwè̌꤮ mî̌titè?” a 26Yeshǔ hî̌shěshu a kû̌, “Dǒ lî̤plò̌shǐ a ta̤sû̌ta̤tòwò wě̤nǎ kwè̌ titè? Na dô̌bǎ yǎ dě na sî̌ya ma̤hî̌tè?” 27Dě a hî̌shěshu kû̌, “‘Dǒ lî̤plò̌shǐkû hî̌kû̌, sî bǎ mô̤ lǒ̤sû̌lǒ̤sò̌ sî Běcǎ Cǒmara kû̌ sî sǎphlǒ lǒ̤꤮ bò, sîbǎ mô̤ lǒ̤sû̌lǒ̤sò̌ a kû̌ ta̤ô̌htûpwa̤ lǒ̤꤮ bò, sî bǎ mô̤ lǒ̤sû̌lǒ̤sò̌ a kû̌ sîta̤khû̌ta̤ǎ lǒ̤꤮ bò, mô̤ lǒ̤sû̌lǒ̤sò̌ a kû̌ sî ta̤gènè̤ lǒ̤꤮ bò. bSî bǎ mô̤ǐlò̤ sî hǐphòwò̤shî̌ tokhlǒ pô̤̌ sî mô̤ǐlò̤ tûû̌ sînǎ̤nu.’” c 28Yeshǔ hî̌shěshu a kû̌, “Na ta̤hî̌shěshu he numî̌ atôhǒ. Ô̌htûpwa̤ sô̌sô̌kû̌ na hî̌nu, dě na gǔ nǐ̤bǎ tûû̌ yôla htûpwa̤ tûjû̌pwa̤ pě.” d
Copyright information for
KxfSCKXF