Luk 20:45-47 | KxfSCKXF | STEP | Bǎ kòyò saprṳ̂ ganǎ̤de Yeshǔ a ta̤hî̌bǎ akhanu, a hî̌ akhôphijǎ tokhlǒ kû̌,

Luke 20:45-47

Yeshǔ hî̌ kòyò kû̌ sè̌rè̌ lô̌khô pwa̤sû̌ǐ ta̤sû̌ta̤tòwò asara tokhlǒ

(Matè̌ 23:1-36; Makǔ 12:38-40; Lǔka 11:37-54)

45 Bǎ kòyò saprṳ̂ ganǎ̤de Yeshǔ a ta̤hî̌bǎ akhanu, a hî̌ akhôphijǎ tokhlǒ kû̌, 46 “Sè̌rè̌ lô̌khô sînǎ̤ kû̌ pwa̤sû̌ǐ ta̤sû̌ta̤tòwò asara nutokhlǒ nî̌꤮. Asî nutokhlǒ mî̌ a sǎyṳ sô̌ lô̌khô jejû gòpwè̤htû dě a cû̌gecû̌hè dǒ klǎkû dě a sǎyṳ no hî̌bǎ bè̌dubè̌nǎ̤ kòyò kû̌ anǎ̤. Dǒ ta̤cabahǐkû nubǎbǎ, dǒ pwèkû nubǎbǎ, asî sǎyṳ hǎnòò̌ lô̌khô gûlǎ̤ dǒ kòyò bè̌dû̌bè̌htû a nutokhlǒ pwǎ. 47 Asî cû̌lòhôǎ lòhôô bò pwa̤mǒ̤ô̌khwè̌ ta̤ pṳ̂̌꤮ tocǒ. Pô̤̌khô kòyò glè̌ gènè̤nṳ̌ asî kû̌ asî mî̌ kòyòplò̌shǐ tokhlǒ nudě, asî kwicaba htûgipi̤ bǎ kòyò. Kòyò pô̤̌nu tokhlǒnu, ta̤cî̌htò̌ glè̌ bǎ jî̌ khlo kû̌ kòyò shǔshawa̤ tokhlǒ pě.”