Mar 11:15-19 | KxfSCKXF | STEP | Bǎ asî cû̌tǒ̤ dǒ Wî̤̌yarǔshôle akhanu, Yeshǔ cû̌nṳ̌ dǒ ta̤lṳhtò̌hôkû dě a cû̌nṳ̌ sahtò̌ wṳ̂̌hǎhtò̌kè kòyò shaǎpwî̤ǎ tě̤ta̤ bǎnu tokhlǒ dě a nṳ̌shò̌ lò̤tě̤klokè kòyò lǎ̤htû̌tèlè̌ ru a dîjowǎ̤ nutokhlǒ kû̌ gògǒ dǒ kòyò lǎ̤hǎnòò̌ shaǎ kû̌ htû̌lǐ̤ nutokhlǒ.

Mark 11:15-19

Yeshǔ cû̌ dǒ ta̤lṳhtò̌hô

(Matè̌ 21:12-17; Lǔka 19:45-48; Yṳ̂ha 2:13-22)

15 Bǎ asî cû̌tǒ̤ dǒ Wî̤̌yarǔshôle akhanu, Yeshǔ cû̌nṳ̌ dǒ ta̤lṳhtò̌hôkû dě a cû̌nṳ̌ sahtò̌ wṳ̂̌hǎhtò̌kè kòyò shaǎpwî̤ǎ tě̤ta̤ bǎnu tokhlǒ dě a nṳ̌shò̌ lò̤tě̤klokè kòyò lǎ̤htû̌tèlè̌ ru a dîjowǎ̤ nutokhlǒ kû̌ gògǒ dǒ kòyò lǎ̤hǎnòò̌ shaǎ kû̌ htû̌lǐ̤ nutokhlǒ. 16 Kòyò ô̌ bǎ ta̤lṳhtò̌hô we̤kû nudě kòyò glè̌ jocû̌khô̌ a tě̤ta̤ dǒ ashǔshawa̤ tûkû akha Yeshǔ dǐjo cû̌khô̌ kòyò tôpwǎ̤꤮ tô̤̌. 17 Htodě a sû̌ǐtòwòǐ asî kû̌, “Dǒ lî̤plò̌shǐkûnu, Cǒmara hî̌ kû̌,

‘hehǐ mî̌ kòyò bǎ kaǎ yǎ kû̌ kòyò pṳ̂̌꤮ tocǒ lǎ̤cubucaba ahǐ’ ^a

Bǎbǎkǎlè sî cû̌ no htûhtò̌ bòkè a kû̌ ‘pwa̤ǎhǔ lǎ̤ô̌û̌hǐ agûlǎ̤ hǒ.’” ^b

18 Pwa̤shû̌gǎ ikǒlǒkòdû̌ tokhlǒ kû̌ pwa̤sû̌ǐ ta̤sû̌ta̤tòwò asara tokhlǒ ganǎ̤de Yeshǔ hî̌ pô̤̌o dě asî kè̌lǎ klè̌klò dǒ a gǔ ma̤si Yeshǔ. Kòyò saprṳ̂saphǎ tokhlǒ ǒò̌ kiti̤kaa lǒ̤bò Yeshǔ a ta̤sû̌ǐtòwòǐ akhû̌akhî, asî htû ikǒlǒkòdû̌ nutokhlǒ ǐsha lô̌khô Yeshǔ agûlǎ̤.

19 Bǎ lṳmṳ̌ lò̤tě̤ akhanu, Yeshǔ kû̌ akhôphijǎ tokhlǒ hǎhtò̌gekè dǒ wî̤̌khlo.